Monday, March 8, 2010

Aralin 1 – Kami ay na-in-love sa isa’t-isa!

May mga mag-irog na “Na-in-love sa isa’t-isa” at nagpakasal, pagkatapos ay nakabatid na hindi naman pala talagang pag-ibig iyon! Ano iyon? Paano natin iyon nalalaman?

1. Si Satanas ay nakaembento ng huwad na pag-ibig. Ano iyon? 1 Juan 2:16. “Sapagka’t ang lahat na nasa sanlibutan, ang masamang pagnanasa ng laman, ang pagnanasa ng mga mata, at ang pagmamataas sa buhay, ay hindi mula sa Ama kundi sa sanlibutan.” Kung magkagayon, paano natin nalalaman kung alin ang huwad at alin ang tunay?

Ang mga pagkakaiba

2. Una sa lahat, ang masamang pagnanasa ay isang pabago-bagong pakiramdam, subalit ang pag-ibig ay isang matatag na prinsipyo. Ang pag-ibig ay mayroong mga pakiramdam, subalit iyon ay hindi isang pakiramdam lamang. Iyon ay isang prinsipyo. Kaya’t kung ang masamang pagnanasa ay nagpapabago-bago ng hihip ng hangin at pakiramdam, ang pag-ibig ay hindi pabago-bago. Sa 1 Corinto 13:8 ay sinasabi, “Ang pag-ibig ay walang katapusan.”

3. Pangalawa, ang pagkahumaling ay bulag; subalit ang pag-ibig ay may paningin at sumusuri. Ginagamit ng tunay na pag-ibig ang kanyang mga mata upang suriin ang mga katangian at mga kapintasan ng isang tao upang magkaroon ng matalinong kapasyahan. Mateo 13:13. Ang mga salitang ito ay maaaring mailapat sa pagkahumaling: “Sa kanilang pagtingin ay hindi sila nakakakita”! Mateo 13:16. Sa pagibig ay ganito: “Mapapalad ang inyong mga mata, sapagkat ang mga ito’y nakakakita”!

4. Ang pangatlong pagkakaiba ay ito: Ang masamang pagnanasa ay tumitingin lamang sa mga panlabas, subalit ang pag-ibig ay tumitingin sa mga panloob. I Samuel 16:7 “Ang tao ay tumitingin sa panlabas na anyo, ngunit ang Panginoon ay tumitingin sa puso.” Minamasdan ng masamang pagnanasa ang mga panlabas na anyo: Ang hitsura, ang damit, ang sex appeal. Mahalaga sa pag-ibig ang mga panloob na katangian: Personalidad, mga ugali, pagkatao.

5. Ano ang ika-apat na pagkakaiba? Genesis 39:7-9 Tama (T) o Mali (M)?
___ Ang masamang pagnanasa ay mahalay, subalit ang pag-ibig ay dalisay.
___ Gusto ng masamang pagnanasa ang sex sa labas ng kasal.
___ Gusto ng pag-ibig ang sex sa loob lamang ng kasal. Kapag natutuksong mag sex bago pa ikasal, ang tunay na pag-ibig ay nagsasabi “Maghintay tayo hanggang tayo ay makasal”. Kapag natutuksong makipag sex sa hindi asawa, ang pag-ibig ay nagsasabi ng “Hindi! Ikaw o ako ay kasal na.”

6. Ika-lima, ang masamang pagnanasa ay makasarili, ang pag-ibig ay mapagsakripisyo 1 Corinto 13:4, 5. “Ang pag-ibig ay… hindi ipinipilit ang sariling kagustuhan.” Ang paboritong salita ng pagkahumaling ay “ako”: “Ang gusto ko”, “kailangan ko.” Ang paboritong salita ng pag-ibig ay “Mo”. “Anong gusto mo?” “Anong kailangan mo?”

7. Huli sa lahat, ang pinagmumulan ng masamang pagnanasa ay si Satanas. Sino ang pinagmumulan ng pag-ibig? 1 Juan 4:8. “Ang hindi umiibig ay hindi nakakilala sa Diyos; sapagkat ang Diyos ay pag-ibig.” Ang lahat ng tunay na pag-ibig,– boyfriend at girlfriend, mag-asawa, magulang at anak–ang lahat ng tunay na pag-ibig ay nagmumula sa Diyos. Ang Diyos ang tagagawa ng pag-ibig! Ang tunay na pag-ibig ay hindi nagmumula sa Hollywood! Iyon ay nagmumula sa langit.

Kumilos!

8. Ang malaking tanong ay: Kumusta ang sarili kong pakikipagrelasyon? Iyon ba ay tunay na pag-ibig? Sa level ng 1 hanggang 10, anong level ang matapat mong maibibigay na grado sa iyong pag-ibig? Bilugan ang numero. 1 2 3 4 5 6 7 8 9 10

9. Kung ako ay hindi pa kasal at ang score ng aking pag-ibig ay mababa, ano ang dapat kong gawin? Tama (T) o Mali (M)?
___ Pabayan ko lang na ganon. Panahon na lang ang bahala sa mga iyon.
___ Kinakailangang palitan ko ng prinsipyo ang pagkahumaling.
___ Kung ang pagpalit ay hindi poseble, kinakailangang tapusin ko na ang relasyong iyon.

10. Sa kabilang panig, kung ako ay kasal na, subalit ang aking score ay mababa, ano ang dapat kong gawin? Tama (T) o Mali (M)?
___ Hindi ko dapat palitan ang aking asawa, dapat kong baguhin ang aming relasyon.
___ Kinakailangang panatilihin ang aking kabiyak at pataasin ang aking score.

Tanong: Paano ko mapalalago ang aking pagibig?
Sagot: Yan ang ituturo ng mga araling ito! Sa araling ito, tingnan natin ang tatlong pangunahing mga hakbang upang ang bawat isa ay makaangat.

Damahin ang Pag-ibig ng Diyos

11. Ang unang hakbang ay: Pag-aralan ang pinakadakilang modelo ng pag-ibig sa buong mundo. Sino Siya? Juan 15:13. “Walang may higit pang dakilang pag-ibig kaysa rito, na ibigay ng isang tao ang kanyang buhay dahil sa kanyang mga kaibigan.” Roma 5:8. “Noong tayo’y mga makasalanan pa si Kristo ay namatay para sa atin.” Sapagkat ang kabayaran ng kasalanan ay kamatayan, ikaw at ako ay nakatakdang mamatay — na walang pagasa sa kabila! Subalit kinuha ni Kristo ang ating kamatayan upang mapasa atin ang Kanyang buhay na walang hanggan! O anong mapagsakpisyong nagmamahal!

12. Samantalang nakaluhod si Jesus sa Getsemane, gaano katindi ang kanyang paghihirap? Lucas 22:44. “Sa kanyang matinding paghihirap ay nanalangin siya ng higit na taimtim, at ang kanyang pawis ay naging gaya ng malalaking patak ng dugo na tumutulo sa lupa.” Si Satanas ay bumulong, “Hindi mo kailangang magtungo sa kalbaryo. Bumalik ka na sa kaluwalhatian at hayaan mo nang mamatay sa hirap ang mga makasalanan!” Subalit nakipagpunyagi sa panghuling kapasyahang iyon, samantalang ang mga patak ng dugo ay tumutulo mula sa kanyang kilay, ay tumingin siya sa daan-daang mga taon ng panahon, at nakita niya ikaw at ako, at sinabi niya sa nanunukso, “Tutuloy ako sa Kalbaryo!” O kahangahangang pag-ibig na hindi mapapantayan!

13. Samahan mo ako sa paanan ng krus at tingnan natin ang mapagmahal na Tagapagligtas.

* Tingnan mo ang kanyang likod na dumudugo sahil sa 39 na hagupit!
* Damahin mo ang hapdi ng pagkatusok ng mga pako sa kalamnan ng kanyang mga kamay!
* Pakinggan mo ang mga patak ng dugo mula sa mga sugat sa kanyang ulo! O pag-ibig na walang katumbas!

14. Subalit mas matindi pa sa pisikal na nararamdaman niya ang kapighatan ng kanyang isip at spiritu! Nararamdaman ni Jesus ang lupit ng mga kasalanan ng lahat ng mga lalake, mga babae, at mga bata sa lahat ng mga bansa sa daigdig sa buong haba ng daan-daang mga taon! Yan ang dahilan kung bakit siya ay sumigaw, sa Mateo 27:46, “Diyos ko, Diyos ko, bakit mo ako pinabayaan?” Samantalang minamasdan ko ang mapagmahal kong Tagapagligtas na naghihirap para sa akin, ano ang gusto kong sabihin sa kanya?

Mahal kong Jesus, ______________________________

Magpasakop sa Kanyang Pag-ibig

15. Ang ikalawang hakbang ay: Magpasakop sa pag-ibig ni Kristo. Samantalang nararanasan ko ang kanyang pag-ibig na walang kapantay, ano ang itinatanong ni Jesus sa akin? Juan 21:17. “_________(Ilagay mo ang iyong pangalan kapalit ng pangalan ni Simon), Minamahal mo ba ako?” Ano ang aking sagot kay Jesus? ____________________.

16. Ang malaking tanong ay: Iyon ba ay tunay na pag-ibig? Paano ko malalaman kung ang pag-ibig ko Kristo ay tunay? Tama (T) o Mali (M)?
____ Ibinigay ni Jesus ang kanyang buhay para sa akin, sapagkat ang kanyang pag-ibig sa akin ay tunay.
____ Ibinibigay ko ang aking buhay kay Kristo, sapagkat ang aking pag-ibig sa kanya ay tunay.
____Ganito na ang aking ginagawa ngayon, at nararanasan ko ang kanyang pag-ibig.

Umibig tulad ng pag-ibig ni Kristo

17. Ang pangatlong hakbang ay ibigin ko ang aking kabiyak tulad ng pag-ibig ni Kristo sa akin. Ngayong naranasan ko ang pag-ibig ng Diyos, ano ang ipinag-uutos sa akin ni Kristo? Juan 13:34. “Isang bagong utos ang sa inyo’y ibinibigay ko, na kayo’y magmahalan sa isa’t isa. Kung paanong minahal ko kayo, magmahalan din kayo sa isa’t isa. Juan 15:12. “Ito ang aking utos, na kayo’y magmahalan sa isa’t isa, gaya ng pagmamahal ko sa inyo.”

Makapangyarihang kaisipan! Samantalang nararanasan ang mapagsakripisyong pag-ibig ni Kristo para sa akin, ako ay nagkakaroon ng kapangyarihan upang ibahagi ang hindi makasariling pag-ibig na ito sa aking sambahayan! Mas lalo ko itong natatanggap, mas lalo ko itong maiibahagi! Araw-araw ang score ng aking pag-ibig ay tataas ng tataas sapagkat ako ay nakatitig sa mapagmahal kong Tagapagligtas.Sumusunod ako sa halimbawa ng pinakakilang Tagapagmahal sa buong mundo.

Ang aking kapasyahan

___ Tanggihan masamang pagnanasa. Pinipili ang tunay na pag-ibig.
___ Ibinigay ni Jesus ang kanyang buhay para sa akin sapagkat ako ay mahal niya. Mahal ko siya. Kaya’t ngayon ay ibinibigay ang aking buhay sa kanya.
___ Ibabahagi ang pag-ibig na ito. Iibigin ko ang aking kabiyak tulad ng pag-ibig ni Kristo sa akin.

Ang aking pangalan _______________________________________


Tingnan kung tama ang iyong mga sagot: 5. T, T, T; 9. M, T, T; 10. T, T; 15. T, T, T.

Sunod na aralin: Aralin 2 Matagumpay na Ugnayan

Copyright 2004, Gordon & Waveney Martinborough and the Inter-American Division of the General Conference of Seventh-day Adventists

I
Ang seryeng ito ng mga aralin para sa Happy Family Bible Hour ay isinalin sa Pilipino ni Jovenmarlo A. Imperio para Oplan Sagip Tahanan Evangelism Program ng H4J - The Homes for Jesus Network of Global Frontiers Institute at ng All Through Christ Missionary Movement.

Aralin2 – Matagumpay na Pag-uugnayan

Araw-araw ngayong linggong ito ay gabi na kung umuwi si Bernard, samantalang si Alice ay naghihintay upang magamit ang kotse upang siya ay makapag-shopping. Noong Huwebes, nang si Bernard ay dumating, ay galit na sumigaw si Alice, “Pinababayaan mo ako! Pababayaan din kita! Wala tayong hapunan ngayon!” Paano magiging matagumpay sa ugnayan ang mag-irog na ito? Narito ang tatlong susi. Ang bawat susi ay mayroong mga hakbang.

Maging mabiyaya sa pagsasalita

1. Ang unang susi ay: Maging mabiyaya sa pagsasalita. Colosas 4:6. “Ang inyong pananalita nawa’y laging may biyaya, na may timplang asin, upang inyong malaman kung paano ninyo dapat sagutin ang bawa’t isa.” Bagaman si Alice ay galit, kinakailangang magsalita siya ng may biyaya. Paano niya ito magagawa?

2. Una, dapat ay malaman ni Alice ang tunay na suliranin. “Bernard, namomoroblema ako sa paggamit ng kotse” Pangalawa, kinakailangang sabihin niya ang tunay niyang nadarama. Mateo 26:38. Inihayag ni Jesus ang tunay niyang nadarama nang kanyang sabihin, “Lubhang nalulungkot ang aking kaluluwa na halos ay ikamatay.” Ang ilang mga salita na maaaring magamit ni Alice ay, “Balisa, Galit, ____________” Pangatlo, Kinakailangang sabihin ni Alice ng malinaw kung ano ang gusto niya. Mateo 26:38 Si Jesus ay nagpatuloy, “Manatili kayo rito at makipagpuyat kayo sa akin.”

3. Huli sa lahat, Kinakailangang gumamit si Alice ng mga pahayag na “ako”. May dalawang paraan ng pagpapahayag ng ating nadarama at mga kagustuhan: “Ikaw” ang sinisisi sa aking nararamdaman. Ito ay nagaanyaya ng away! “Ako” Sinasabi ang sarili kong nadarama. Itinuturo ng daliri ang sarili. Ito ay lumulikha ng kapayapaan. Halimbawa: “Balisang-balisa ako sa paghihintay araw-araw. Kailangan ko ang kotse upang ako ay makapag-shopping. Maging aktibo sa pakikinig

4. Ang ikalawang susi ay: Maging aktibo sa pakikinig. Santiago 1:19, “Ang bawat tao ay dapat na maging mabilis sa pakikinig, marahan sa pagsasalita, mabagal sa pagkagalit” Kaya nga samantalang si Alice ay nagsasalita na may biyaya, ay hidi dapat sumabay si Bernard, hindi ipinagtatanggol ang sarili, sa halip ay aktibong nakikinig sa kanya. Paano niya ito magagawa?

5. Una, kinakailangang sikapin ni Bernard na madama ang nadaama ni Alice. Tama (T) o Mali (M)?
____ 7% lang ng mensahe ni Alice ang inihahatid ng kanyang mga salita!
____ 38% ang inihahatid ng tono ng kanyang tinig.
____ Ang inihahayag ng kanyang kilos ay 55% ng kanyang mensahe.
____ Ang aktibong pakikinig ay nagsisikap makuha ang 100% ng mensahe.

Lucas 5: 8-10 Lumuhod si Pedro sa paanan ni Jesus at nagsabi, “Lumayo ka sa akin.” Subalit hindi pinansin ni Jesus ang kanyang mga salita sahalip ay pinakinggan ang tunay niyang mensahe. At sinabi niya kay Pedro, ” Manatili ka sa piling ko. Sumunod ka sa akin.”

6. Pangalawa, kinakailangang ibalik ni Bernard ang nadadama ni Alice. Ang pagbabalik ay tulad sa isang salamin. Kinakailangang sabilhin ni Bernard kay Alice , kung ano ang sinabi ni Alice sa kanya. Ang pangatlo, sa pagbabalik ng pahayag tungkol sa kanyang damdamin, kinakailangang gumamit si Brnard ng “ikaw” na mga pahayag. Halimbawa, “Nasasaktan ikaw, dahil pinababayaan kong naghihintay ka sa sasakyan.” Sinasabi niya sa kanya na nauunawaan niya ang kanyang nadarama at kung ano ang gusto niya.

Subukan natin: Kumuha ka ng kapares. Ang isa ay magsasabi ng mga pahayag na “ako” at ang isa naman ay magsasabi ng mga “ikaw” na pahayag.

Magpalitan ng pagunawa sa isa’t-isa.

7. Ang ikatlong susi ay: Magpalitan ng pag-unawa sa isa’t isa. Kung paanong ang bawa’t pera ay may dalawang panig, ganon din ang bawa’t salaysay ay may dalawang panig. Ngayon ay nakita na ni Bernard ang panig ni Alice. panahon naman ngayon upang makita ni Alice ang panig ni Bernard. Filipos 2:4 “Huwag tingnan ng bawa’t isa sa inyo ang kanyang sariling kapakanan, kundi ang kapakanan ng iba.”

8. Si Bernard na ngayon ang tagapagsalita. Sa paggamit ng mga pahayag na “Ako”, kinakailangang sabihin niya ngayon kay Alice ang dahilan kung bakit siya ginagabi. “Alice, ang aming kompanya ay nagbabawas ng mga trabahador at marami ang tinatanggal sa trabaho. Ngayon linggong ito kapag ako ay malapit nang umuwi ay binibigyan ako ng aking supervisor ng bagong assignment na may nakasulat na “Urgent” Ginagabi ako dahil tinatapos ko ang mga iyon para huwag akong maalis sa trabaho.”

9. Si Alice naman ngayon ang tagapakinig at siya naman ang kinakailangang gumait ng mga pahayag na “Ikaw” upang maibalik ang nadarama ni Bernard, ano ang maaari niyang sabihin? “Kaya ka ________________________________________.” Subukan natin: Yong isa naman ang magsasabi ng mga pahayag na “ako” at yong isa naman ang mga pahayag na “Ikaw”. Ngayon ay talagang naguugnayan na sila. Nauunawaan ni Bernard ang nadarama ni Alice at nauunawaan ni Alice ang nadarama ni Bernard. Sapagkat alam na ng isat isa kung ano ang gusto ng isa’t isa, sila ay maaari nang gumawa ng sulusyon na kapwa sila nagwawagi. Yan ang ituturo sa atin sa Aralin 5.

Pakikipag-usap sa Diyos

10. Kung paanong ang masayang relasyon ng magasawa ay nangangailangan ng nagpapatuloy na ugnayan ng mag-asawa, ganon din naman ang isang masayang relasyon ko sa Diyos ay nangangailangan ng nagpapatuloy na ugnayan namin ng Diyos. At ganon din ang tatlong susi. Unang susi ay kausapin ang Diyos. Paano ko iyon magaawa? Mateo 6:6 “Kapag ikaw ay mananalangin, pumasok ka sa iyong silid, at pagkasara mo ng iyong pinto ay manalangin ka sa iyong Ama na nasa lihim”.

11. Ang panalangin ay pagbubukas ng puso sa Diyos tulad sa isang kaibiagan. Kung ang Diyos ay aking kaibigan, Paano ako dapat makipag-usap sa kanya? Awit 62:8 Tama (T) o Mali (M) ____ Kinakailangang sumulat ako ng panalangin at basahin ko iyon upang hindi ako magkamali. ____ Hilingin ko sa aking pari o pastor na gawin iyon para sa akin. ____ Makipag-usap sa Diyos, gamit ang sarili kong mga salita.

12. Gaano kadalas ako dapat manalangin sa aking Ama at Kaibigan? 1 Tesalonica 5:17 Ano mang oras; sa lahat ng panahon. Mga Awit 55:17 Sa mga natatanging pagkakataon: sa gabi, sa umaga, at sa tanghali. Marcos 1:35 Sa madaling araw ang pinakamagandang panahon.

Makinig sa Diyos

13. Ang pangalawang susi ay: Makinig sa Diyos. Paano nakikipag-usap sa akin ang Diyos? Juan 5:39 “Sinasaliksik ninyo ang mga kasulatan sapagkat iniisip ninyo na sa mga iyon ay mayroon kayong buhay na walang hanggan; at iyon ang nagpapatotoo tungkol sa akin”. Kapag ako ay nagbabasa ng Bibliya, ako ay nakikinig sa tinig ni Jesus na nakikipag-usap sa akin!

14. Paano ng Diyos iniugnay ang kanyang salita? Paano tayo nagkaroon ng Bibliya? 2Timoteo 3:16 “Ang lahat ng mga kasulatan ay kinasihan ng Diyos.” 2 Pedro 1:21 “Ang mga taong inudyukan ng Espiritu Santo ay nagsalita mula sa Diyos.” Ang anim-napu’t anim na mga aklat sa Bibliya ay isinulat sa loob ng 1500 taon sa pamamagitan ng nasa 40 na magkakaibang mga tao. Gayon pa man ang kanilang isinulat ay magkakatugma! Alam mo kung bakit? Sapagkat silang lahat ay pinatnubayan ng Banal na Espiritu.

15. Gaano kadalas ako dapat mag-aral ng Bibliya? Gawa 17:11. “Tinanggap nila ang salita ng buong pananabik na sinisiyasat araw-araw ang mga kasulatan kung tunay nga ang mga bagay na ito.”

Magbulay-bulay sa Diyos

16. Ang pangatlong susi ay: Magbulay-bulay sa Diyos. Mga Awit 104:34, “Maging kalugod-lugod nawa sa kanya ang aking pagbubulay-bulay.” Ang pagbubulay-bulay ay matahimik na iniisip ang mapagmahal kong Diyos.

17. Araw-araw, samantalang ako ay nakikipa-usap kay Jesus, nakikinig kay Jesus at nagbubulay-bulay tungkol kay Jesus, may kahanga-hangang bagay na nangyayari! Ako ay nagiging In-love kay Jesus! Tulad ni Maria noong linggo ng pagkabuhay, maaaring ako ay magtungo sa hardin na may luha at kalungkutan, subalit palagi akong aalis na may galak at kasiyahan! Kaya, “Ako ay mag-isang nagtutungo sa halamanan.”

Ang aking katugonan
____ Gagamitin ang tatlong susi sa matagumpay na pakikipag-ugnayan.
____ Gugugol ako ng panahon upang makasarilinan ang Diyos araw-araw sa isang spirituwal na pakikipag-ugnayan.
____ Gusto kong magsimula ngayona.

a. Tatlong bagay na ibig kong idalangin: _____________, ____________, ______________.
b. Ibahagi mo ang lista ng iyong idadalangin sa iyong kapartner ngayon [Sa palitan ng pagsasalita kanina]
c. Ngayon ay makipag-usap sa Diyos na ibinabahagi ang lista ng ibig mong idalangin [Magpalitan kayo sa pagdalangin. Medyo laksan ng kaunti ang panalangin upang marinig ng iyong kapartner at makapagsabi ng “Amen”. Unamuna yong isa ang magsasalita, tapos yong isa naman.

Tingnan kung tama ang iyong mga sagot: 5. T, T, T. 11. M, M, T Sunod: Aralin 3 Magkabagay sa pag-aasawa

Aralin 3 - Nababagay sa Pag-aasawa

Taon taon ay napakaraming mga magasawa ang naghihiwalay bunga ng pagiging hindi nababagay sa isat isa. Bago magpakasal ay dapat nating siyasatin ang bagay na ito. Pagkatapos ng kasal, nararapat lamang na pag-ibayuhin at mapalago ang pagiging nababagay ng magasawa. Sa liksyong ito ay sisiyasatin natin ang pitong susi para sa matgumpay na pagaasawa. Isa lamang sa pitong susing ito ang MASTER KEY!

1. Ng lalangin ng Diyos ang kaunaunahang magasawa, sinigurado niya na ang dalawa ay hindi magkukulang sa pagiging nababagay sa isat isa. Gen. 2:18, "Hindi mabuti na ang lalaki ay nagiisa. Igagawa ko siya ng isang katuwang na nababagay sa kanya."

UNANG ANIM SA PITONG MGA SUSI

2. Una sa mga susi ng pagiging nababagay ng magsasawa ay ang idad ng bawat isa.

* Sa bawat taon sa pagtanda ng tao ay mayroong katumbas na magkakaibang physiological na pangangailangan.
* Ang malaking agwat sa idad ng magasawa ay nangangahulugan ng malaking pagkakaiba sa physiological na pangangailangan ng bawat isa.
* Ito ay maaring magresulta ng malimit na di pagkakasundo ng magasawa.

3. Ang pangalawa ay tungkol sa edukasyon. Tama (T) o Mali (M)?
__ Ang pagkakaroron ng magkaibang antas ng pinag-aralan ay maaaring maging dahilan upang maging kaunti lang ang gawain ng mag-asawa na sila ay magkasama.
__ at kung ang mag-asawa ay magkahiwalay sa mga gawain sila ay nagkakaroon ng magkaibang grupo ng mga kaibigan, at ang magasawa ay nagkakalayo sa isat isa.
__ Sa halip na ang mag-asawa ay magkalapit, ang dalawa ay nagkakalayo.

4. Ang ika-apat na susi ay kalusugan.
3 Juan 2. "Minamahal, aking idinadalangin na sa lahat ng bagay ay mapabuti ka at magkaroon ng kalusugan, kung paanong nasa mabuti ring kalagayan ang iyong kaluluwa."
Sa pagdami ng mga nakakahawang mga sakit, ang pagiging malusog ay napakamahalaga. Ang mga gawaing nakapagpapalusog ay mahalaga rin sapagkat ang mga gawain natin ngayon ang nagpapasya ng kalagayan ng ating kalusugan bukas.

5. Ika-apat ay ang kultura. Tama (T) o Mali (M)?
__ Ang ibang pagkakaiba sa kultura ay simple lang at madaling nasusulusyunan.
__ Ang iba ay masalimuot at kinakailangang pag-ukulan ng pansin upang matiyak ang tagumpay.

6. Ang ika-limang susi upang maging nababagay sa isat isa ay ang mga pinahahalagahan ng pamilya.
Ezekiel 16:44, 45. Ang mapangalunyang babae ay nagmana sa mga pinahahalagahan ng kanyang ina.
2 Timoteo 1:5. Ang maka-diyos na kabataan ay nagmana sa mga pinahahalagahan ng kanyang lola at ng kanyang ina. Sa tahanan nakakakita ng mga modelo ang mga bata at tinutularan ang mga pamantayan ng ugali. Ganon pa man ang iba, tulad ni Josiah, sa pamamagitan ng pagsisikap, ay maaaring magkaroon ng ibang ugali. (2 Cronica 33:1, 2, 21, 22; 34:1, 2)

7. Ang ika-pitong susi ay ang ugali. Mayroong apat na pangunahing uri ng ugali.
__ Ang Saguine, tulad ni Pedro, ay masalita at mapang-akit sa madla.
__ Ang Choleric, tulad ni Pablo, ay masipag, practical, at may matibay na kapasyahan.
__ Ang Phlegmatic, tulad ni Abraham, ay madaling makasama, matulungin, at mapagpayapa.
__ Ang melancholic, tulad ni Moises ay mahusay tumingin, madaling makilos ang emosyon, at mapaglikha.

Palagay ko ako ay _______________, at ang aking asawa ay ___________.

Narito ang ilang mabuting payo.
- Kung ako ay hindi pa kasal, kailangan kong suriing mabuti ang aming pagkakaiba.
- Kung ako ay kasal na, kailanan kong tanggapin at irespeto ang mga pagkakaiba namin.

Ang Master Key

8. Ang walong susi ay mahalaga, subalit ang master key ay ang pagkakaisa sa spirituwalidad.
Deuteronomio 7:3, 4. Ang mga Israelitang kumikilala sa Diyos ay hindi pinapahintulutang mag-asawa ng mga Canaanitang hindi kumikilala sa Diyos.
2 Corinto 6:14. "Huwag kayong makipamatok sa mga hindi mananampalataya."
Kapag ang kabiyak ay naglilingkod sa Diyos at ang isa ay naglilingkod kay Satanas, mayroong kagulo. Kung parehong naglilingkod kay Satanas, mas malaking kagulo! Subalit ang dalawa ay parehong naglilingkod sa Diyos, hawak nila ang Master Key upang maging nababagay sa isat isa!

9. Kaya't mayroong limang malaking mga katanungan ang dapat itanong at sagutin.
- Ako ba ay kabilang sa sambahayan ng Diyos?
- Ang aking bang kabiyak ay kabilang sa sambahayan ng Diyos?
- Paano kami nagiging kabilang sa sambahayan ng Diyos?

10. Ang karanasan ni Jacob ay nagbibigay sa atin ng sagot sa ikatlong tanong. Siya ay isang magnanakaw, sinungaling, at manlilinlang. Siya ay tumakas mula sa kanilnag tahanan, nag-iisa, miserable at nasiraan ng loob. Noong gabing yaon ay dinalaw siya ng Diyos sa pamamagitan ng isang panaginip tungkol sa isang hagdan at isang mensahe ng pagmamahal. Nakarating siya sa Haran, gumugol ng 20 taon sa pagtaguyod ng isang sambahayan at naging mayaman. Subalit sa kaibuturan ng kanyang puso ay hindi maganda ang kanyang relayon sa Diyos!

11. Isang araw, si Jacob ay nakatanggap ng hindi magandang balita! Ang kanyang kapatid na si Esau ay sumasalakay na may kasamang 400 na mga mandirigma!
Si Jacob ay nagsagawa ng pinakamahalagang kapasyahan niya sa buhay: "Kung si Esau ay darating sa kinabukasan, kinakailangang makipagkasundo ako sa Diyos ngayong gabi.!"
Iniwan ang kanyang pamilya at mga alagang hayop, si Jacob ay nagtungo sa ilang upang makipagkasundo sa Diyos. At biglang may humipo sa kanya, at ang pakikipagbaka niya sa buhay ay nagsimula!
Genesis 32:24, 30. Iyon ay tinatawag na "tao" at tinatawag na "Diyos," Ang Taong-Diyos na iyon ay si Jesus!

Mga Himala!

12. Si Jacob ay biglang nakaranas ng isang himala! Genesis 32:27, 28. "Ang iyong pangalan ay hindi na tatawaging Jacob, kundi ______________." Bakit binago ang kaniyang pangalan? Sapagka't ang kanyang pagkatao ay nabago! Hindi na siya magnanakaw; ngayon ay tapat na siya! Hindi na sinungaling; siya na ngayon ay tapat! Hindi na bigo; siya na ngayon ay isang matagumpay!

13. Kung paanong si Jesus ay gumawa ng himala para kay Jacob noong gabing iyon, Siya ay handang gumawa ng himala para sa iyo at para sa akin ngayong gabi! Ang aking dalangin ay dapat maging: "Lumalang ka sa akin ng isang malinis na puso, O Diyos; at muli mong baguhin ang matuwid na espiritu sa loob ko." Mga (Awit 51:10)
Ang sagot ng Diyos ay: "Bibigyan kita ng bagong puso, at lalagyan kita ng bagong espiritu sa loob mo." (Ezekiel 36:26)

14. At gagawa ng himala ang Diyos para sa akin!
Ang lasinggero ay magiging mapagpigil!
Ang gumagamit ng ipinagbabawal na gamot ay magiging malaya na sa pagkaalipin sa gamot.
Ang naninigarilyo ay makakaiwas na sa sigarilyo!
Ang nang-aabuso ay naging nangangalaga!

15. Iyon ay isang malaking pagbabago! Tama (T) o Mali (M)?
Ang pangangalunya ay pinapalitan ng kadalisayan!
Ang magulo ay nagiging matino!
Ang sugalero ay nagiging mapagimpok! Ang nananakit ay nagiging nagpapagaling! Sapagkat "Kung ang sinuman ay na kay Kristo, siya'y bagong nilalang; ang mga lumang bagay ay lumipas na, tingnan ninyo, ang lahat ay naging bago." (2 Corinto 5:17)

16. Gaano kahanda si Jesus na gawin ang himalang ito sa aking buhay? 2 Corinto 6:2 "Ngayon na ang panahong kanais-nais; ngayon na ang araw ng kaligtasan" Ang Jesus ring iyon na bumago sa buhay ni Jacob ay handa upang baguhin ang iyong buhay ngayon! Ito ang mga sandali para sa himala ng Diyos! Kung magkakagayon ay mapapasa iyong kamay ang Master Key upang kayong mag-asawa ay maging nababagay sa isat isa!

Ang aking kapasyahan

__ Opo, ibig kong makabilang sa sambahayan ng Diyos. Ibig kong magkaroon ng Master Key upang kaming mag-asawa ay maging nababagay sa isat isa.
__ Kabilang dito ang pagbabago. Ibig kong isagawa ng Diyos ang kanyang himala sa pagbago sa aking buhay ngayon.
__ Umaanib ako sa napapalooban ng mahimalang kaligtasan ngayon, sapagkat ang Diyos na makapangyarihan sa mga himala ay nananakop ngayon!"

Ang aking pangalan ______________________________________


Tingnankung tama ang iyong sagot: 3. T,T,T



Sunod: Aralin 4 - Paano ang pagsabi ng "Minamahal kita!"

Isinalin sa Pilipino ni Jovenmarlo A. Imperio

Aralin 4 - Paano ang pagsabi ng “Minamahal Kita”

Nang si Juan ay umuwi sa bahay mula sa trabaho ay inakap niya ang kanyang asawa at hinalikan, subalit siya ay walang kibo. Nang kanyang ihagis ang kanyang damit at inalis ang kanyang sapatos upang mag-relax sa sala, ang babae ay galit-na galit dahil sa mga kalat. At nang kanyang akapin siya nang gabing iyon, siya ay lumipat sa kabilang dulo ng kama! Ano ang kanilang problema?

Pagkilala

1. Si Juan at si Maria ay magkaiba. Kaya magkaiba ang pagpahayag nila ng kanilang ng pagmamahal. Mayroong tatlong pangunahing uri ng nagmamahal: Ang sanay sa paningin ay nagpapahayag ng kanyang pagibig sa pamamagitan ng mga paraang nakikita. Ang sanay sa pakinig ay nagpapahayag ng kanyang pag-ibig sa pamamagitan ng mga paraang naririnig. Ang sanay sa pakiramdam ay nagpapahayag ng pag-ibig sa pamamagitan ng mga paraang nadarama.

Halimbawa, Ang babae na sanay sa paningin ay nagpapahayag ng kanyang pag-ibig sa pamamagian ng pag-iingat sa bahay upang maging laging maganda ang hitsura. Ang babaeng sanay sa pakinig ay gusto laging naririnig ang tinig ng kanyang asawa na nagsasalita.Ang lalake na sanay sa pandama ang gusto ay kahawakan ng kamay ang kanyang asawa samantalang sila ay naglalakad.

Bagaman ginagamit natin lahat ang mga paraang ito ng pagpapahayag ng pag-ibig, kalimitan ay may isa sa mga ito ang nangingibabaw.

2. Si Solomon at ang kanyang asawang Sunamita ay nagpapahayag ng mga pagkakaibang ito. Awit ng mga Awit 2:14. Wika niya, “O kalapati ko… Ipakita mo sa akin ang iyong mukha, …ang iyong mukha ay kaibig-ibig.” Awit ng mga Awit 2:14. Dagdag niya, “iparinig mo sa akin ang iyong tinig; sapagkat matamis ang iyong tinig.” Awit ng mga Awit 2:6. Pahayag niya, “Ang kanyang kaliwang kamay sana ay nasa ilalim ng aking ulo, at ang kanyang kanang kamay ay niyayakap ako.”

3. Ang unang hakbang ay: Kilalanin ang aking sarili at ang aking kabiyak. Kilalanin ang isat isa sa pamamagitan ng M (Mata – Mata), T (Tainga – Pandinig), H (Hipo)

____ Solomon
______ Juan
_____ ako

____ Asawa ni Solomon
______ Maria
______ asawa ko

4. Kung kami ng aking asawa ay magkaiba, ano ang dapat kong gawin? Tama (T) o Mali (M)?
___ Bayaan ang aming pagkakaiba sa pagasa na mawawala din yon.
___ Sikaping mabago ang aking asawa.
___ Tanggapin ang aming pagkakaiba. Igalang ang pagkatao ng aking asawa.

5. Ang pangalawang hakbang ay : Tanggapin at irespeto ang aming pagkakaiba. Kami ay ginawang ganon ng Diyos. Awit 139:15, 16 “Ang katawan ko’y hindi nakubli sa iyo, nang ako’y lihim na ginawa, mahusay na binuo sa kalaliman ng lupa… Nakita ng iyong mga mata ang aking wala pang anyong sangkap.” Kaya pag-pinagsisikapan kong baguhin ang pagkatao ng aking kabiyak, ay nagpapanggap akong Diyos!

Pagtingin sa kapakanan ng iba

6. Ang pangatlong sekreto sa pagkakasundo ay: Ang pagtingin sa kapakanan ng aking kabiyak ng higit sa sarili kong pangangailangan. Roma 12:10. “Magmahalan kayo na may pag-ibig bilang magkakapatid; sa pagpaparangal sa iba ay mag-unahan kayo.” Ito ang dakilang simulain ng pagtingin sa kapakanan ng iba. Ang ugat ng bawat pagtatalo ay “Ako muna” (Santiago 4:1, 2) Ang lunas sa pagtatalo ng magasawa ay “Ang asawa muna"

(Roma 12:10). 7. Sino ang pinakadakilang halimbawa ng pagtingin sa kapakanan ng iba? Filipos 2:3, 5 “Ituring na ang iba ay higit na mabuti kaysa inyong sarili. Magkaroon kayo sa inyo ng ganitong pag-iisip na kay Kristo Jesus din naman.” Ikinagalak ba ni Jesus ang kahirapan sa kalbaryo? Siempre hindi! Subalit sapagkat kailangan kong mamatay siya, siya ay nagtungo sa kalbaryo at namatay para sa akin. Siya ang ating halimbawa.

Sa pagsabuhay ng prinsipyo ng pagtingin sa kapakanan ng kapwa, Si Juan ay kinakailangang ______________________________________.
Si Maria ay kinakailangang ______________________________________.

8. Di ba mayroong tatlong paraan ng pagsabi ng “Minamahal kita”: Sa pamamagitan ng mata, ng tainga at paghaplos. Tanong: Ano ang pinakamahusay? Sagot: Ang pinipili ng aking kabiyak!

Ang pangako

9. Bago pumanhik sa langit, si Jesus ang pinakadakilang tagapagmahal sa buong mundo, ay nagbigay ng ganitong pangako. Juan 14:1-3. “Akoy paroroon upang ihanda ko ang lugar para sa inyo. At kung ako’y pupmaroon at maihanda ko ang isang lugar para sa inyo, ako'y babalik at kayo'y tatanggapin ko sa aking sarili, upang kung saan ako naroroon, kayo rin ay naroroon."
Dahil sa mga kakulangan ng kakayanan ko bilang tao, isa lang ang nagiging dominante sa aking pakikitungo sa mga nagmamahal sa akin dito sa lupa--sa nakikita, sa naririnig, at sa paghagpos.Subalit kapag si Jesus ay muling dumating ang lahat ng mga limitasyon ay mawawala! Makikita ko Siya! Maririnig ko Siya! At ako ay mahahagpos ng Kanyang maluwalhating presensiya! O yon ay tunay na magiging isang maluwalhating araw!

10. Ang ikalawang pagdating ni Kristo ay binabanggit sa mahigit 2000 beses sa Biblia!
- Enoch: "Narito, dumating ang Panginoon na kasama ang kanyang laksa-laksang mga banal." (Judas 14)
- Daniel: "Ang Diyos sa langit ay magtatatag ng isang kaharian." (Daniel 2:44)
- Mga Anghel: "Itong si Jesus, na dinala sa langit mula sa inyo ay darating na gaya rin ng inyong nakitang pagpunta niya sa langit." (Gawa 1:11)
- Pablo: "Ang Panginoon mismo ang bababa mula sa langit na may sigaw." 1 Tesalonica 4:16)
- Pedro: "Darating ang araw ng Panginoon na gaya ng isang magnanakaw." (2 Pedro 3:10).
- Juan: "Amen. Pumarito ka apanginoong Jesus." (Apocalipsis 22:20)

Makikita Siya! Maririnig Siya! Maaakap Siya!

11. Kapag ang ating Mapagmahal na Tagapagligtas ay dumating, ilan ang makakakita sa kanya?
Mateo 24:23, 27; Apocalipsis 1:7 Tama (T) o Mali (M)?
__ Kaunti lang. Iyon ay magiging lihim.
__ Ang lahat. Iyon ay mahahayag na parang kidlat!
__ Makikita siya ng bawat tao sa planetang ito!
Ang pagdating ni Kristo ay hindi isang lihim na karanasan. Ni hindi rin yon magiging isang spirituwalna pagpapakita sa kamatayan. Ang ikalawang pagdating ni Jesus ay literal, nakikita, at masasaksihan ng bawat tao!

12. Sa pagdating ni Jesus, sino ang makakarinig ng kanyang tinig?
1 Tesalonica 4:16. "Sapagkat ang Panginoon mismo ang bababa mula sa langit na may sigaw, may tinig ng arkanghel, at may trumpeta ng Diyos, at ang mga nangamatay kay Kristo ay babangon muna." Kayat ang bawat isa maging ang mga patay ay makakarinig ng kanyang tinig!

13. Ilan ang maaakap ng kaluwalhatian ng kanyang presensiya? "Makikita nila ang Anak ng Tao na dumarating na nasa mga ulap ng langit na may kapangyarihan at dakilang kaluwalhatian." -- Kanyang kaluwalhatian, kaluwalhatian ng Ama, at kaluwalhatian ng billion-billiong mga anghel!

Dalawang Sambahayan

14. Sa Apocalipsis 6:14 ay sinasabi sa atin na may malalaking mga sakuna na magaganap!
Ang langit ay malululon na parang banig! Ang mga bundok ay maaalis mula sa kanilang kianroroonan. Ang mga islaay mangawawala! Ang lahat ng mga bangko ay mawawalan ng laman, sapagkat ang pera ay mawawalan ng halaga! Ang lahat ng mga paasyalan ay mawawalan ng tao, ang mga pagsasaya ay mawawalan ng kabuluhan! Ang mga kuhanan ng alak ay magsasara sapagkat ang alak ay gagamiting panggatong sa apoy! Ang mga motel ay malulugi sapgkat ang mga hostess ay wala nang mga cliente!

15. Sa ara na iyon ay magkakaroon lamang ngdalawangsambahayan: Ang sambahayan ng Diyos at angsambahayan ni Satanas. Apocalipsis 6:16-17.
Apocalipsis 6:15-17. Ang sambahayan ni Satanas ay magsisipagtakbuhan sa mga bato at sa mga bundok at magsasabi, "Mahulogkayo sa amin at itago ninyo kami mula sa mukha ng nakaupo sa trono."
Isaias 25:9. Ang sambahayan ng Diyos ay magsisitingala at magsasabi, "Ito'y ating Diyos; hinintay natin siya at ililigtas niyatayo."
Ang malaking katanunganay: "Handa na ba ako sa pagdating ni Jesus?"


Ang aking panalangin
__ Panginoon, mahal kita. Ibig kitang makita, marinig ka, maakap ka, at makapisan ka hanggang sa walang hanggan.
__ Mangyari po na baguhin ninyo ang aking buhay at gawin ninyo akong handa na sumalubong sa Inyong Pagdating!"
__ Gawin kong sambahayan ang sambahayan ng Diyos -- habang panhon at hanggang sa walang hanggan. Amen.


Ang aking pangalan ___________________________________________


Tingnan kung tama ang iyong mga sagot: Solomom: V, A. Babae: K.Juan
K. Maria V. 4. M,M,T. 11. M,T,T.



Sunod: Aralin 5 - Paglutas sa mga sigalot.


Isinalin sa Pilipino ni Jovenmarlo A. Imperio

Aralin 5- Paglutas sa mga Sigalot

Ang mga sigalot ay hindi naiiwasan. Ang tanong ay hindi kung mayroong sigalot o wala kundi ano ang dapat gawin sa mga iyon. Balikan natin ang sigalot ni Alice at ni Bernard sa Aralin 2 — si Alice tungkol sa kotse at si Bernard tungkol sa kanyang Boss. Pag-aralan natin ang anim na hakbang upang kanilang malutas ang sigalot.

1. Unang hakbang: Agad harapin ang suliranin sa pinakamadaling panahon. Efeso 4:26. “Huwag hayaang lubugan ng araw ang inyong galit.” Pinababayaan ng ibang mag-irog ang sigalot samantalang umaasa na iyon ay mawawala. Subalit ang mga sigalot ay tulad sa mga anay. Samantalang pinababayaan mo ay lalong dumadami ang mga iyon. Sa halip na naghintay hanggang Huwebes, dapat ay pinag-usapan ni Alice at ni Bernard ang problema Lunes pa lang.

2. Ang ikalawa nating hakbang ay: Makipag-ugnay upang makita ang kabilang panig.
Balik-aralan natin ang tatlong sekreto sa matagumpay na pakikipag-ugnayan. Tama (T) o Mali (M)
• Kinakailangang sabihin ni Alice ang gusto niya subalit dapat niyang itago ang tunay niyang nadarama.
• Si Alice ay kinakailangang magsalita gamit ang “Ako” na mga pahayag.
• Hindi ni Bernard dapat ipagtanggol ang kanyang sarili, sa halip ay sikapin niyang madama ang nadadama ni Alice.
• Dapat siyang gumamit ng mga “Ikaw” na pahayag.
• At saka sila magpapalitan ng paggamit ng “Ako” ang “Ikaw” na mga pahayag.

Pagpaparaya

3. Ang pangatlong hakbang ay napakahalaga: Pahalagahan ang pangangailangan ng aking kabiyak ng higit sa sarili kong pangangailangan. Roma 5:1, 2. “Kaya’t tayong malalakas ay nararapat magtiis sa kahinaan ng mahihina, at hindi upang magbigay-lugod sa ating mga sarili. Bawat isa sa atin ay mag-bigay-lugod sa kanyang kapwa para sa kanyang kabutihan, tungo sa ikatitibay niya.” Tandaan na ang ugat ng bawat sigalot ng mag-asawa ay yaong “Ako muna” (Santiago 4:1, 2) at ang lunas ay “si kabiyak muna” (Roma 15:1, 2).

4. At sino ang pinaka mahusay na halimbawa ng pag-ibig na ito na mapag-sakripisyo ng sarili? Roma 15:3. “Sapagka’t si Kristo man ay hindi nagbigay lugod sa kanyang sarili.” Ikinagalak ba ni Jesus ang pagtungo sa kalbaryo? Siempre hindi! Subalit tayo na minamahal niya ay nangangailangan ng kanyang kamatayan. Kung kaya sa kanyang pag-ibig na hindi makasarili, siya ay nagtungo sa kalbaryo. Siya ang ating halimbawa.

5. Ang ikaapat na hakbang ay nagsasabi: Gumawa ng hakbang ng pagkilos upang parehong magwagi. Tama (T) o Mali (M)? Ang kahulugan ng parehong magwagi ay:
___ Ako ay nagwagi samantalang talunan ang aking kabiyak.
___ Parehong natalo ng kaunti at parehong nakinabang ng malaki.
___ Tinugunan ko ang iyong pangangailangan at tinugunan mo ang aking pangangailangan.

Magmungkahi ng solusyon upang maging parehong panalo si Alice at si Bernard ngayon.

Pagpapagaling

6. Ano ang ika-limang hakbang? Santiago 5:16. “Ipahayag ninyo sa isat isa ang inyong mga kasalanan.” Ang madaling maitanong ay : “Saan nagkamali ang aking kabiyak? Subalit ang mahalagang tanong ay: “Saan ako nagkamali?” Ang anim na pilak na mga pananalita. “Ako ay nagkamali. Pataawrin mo ako” ay kinakailangang maipahayag ng dalawang panig sa isat isa.

7. Ang huli ay magkasamang magdalanginan sa isa’t isa. Ipinagpatuloy sa Santiago 5:16, “at ipanalangin ninyo ang isa’t isa upang kayo ay gumaling. Ang panalangin ay naghahatid na pagpapagaling sa pisikal, emosyonal, sa kasal at sa spirituwal.

8. May isa pang uri ng sigalot ang kinakailangang malutas. Isaias 59:2. Ang dalawang panig ay ang Diyos at ako — pinaghiwalay ng kasalanan. Sa Roma 5:10 ay inihahayag na “tayo’y mga kaaway.” Sa Eden, Ang Diyos at ang mag-asawa ay magkasundo. Subalit ang kasalanan ay naghatid ng sigalot sa pag-itan ng mag-asawa at ganon din sa pag-itan ng mag-asawa at ng Diyos. Kaya’t ang bawa’t tao ay isinisilang na makasalanan. Hiwalay sa Diyos. Kailangan natin ang anim na hakbang upang makapanumbalik sa Diyos! Ang mabuting balita ay ginawa na ng Diyos ang unang limang hakbang, isa na lang ang kailangan nating gawin! Kinakailangang gawin mo at gawin ko ang hakbang na iyon ngayon.


Pagkakasundong muli.

9. Ang unang hakbang para sa spirituwal nating pakikipagkasundo muli ay: Ang Diyos ay naging tao. Juan 1:1. Si Kristo, ang tinatawag na Verbo, ay Diyos, siya ay naging tao. Siya ay “Naging laman” at nanirahang kasama natin. O anong misteryo na hindi matarok ng isip! Ang Diyos na makapangyarihan sa lahat ay naging isang mahinang sanggol sa Betlehem! O anong pag-ibig!

10. Ang pangalawang hakbang ay mahalaga: Si Kristo ay namatay sa kalbaryo para sa akin. Isaias 53:5. ”Siya’y nasugatan dahil sa ating mga pagsuway… sa pamamagitan ng kaniyang mga latay ay gumaling tayo.” Dapat sana ay ako ang namatay hanggang sa walang hanggan dahil sa aking mga kasalanan. Subalit dahil sa kanyang pag-ibig, si Jesus ay namatay para sa akin! At kapag tinanggap ko siya bilang aking Tagapagligtas, pinatatawad niya ang aking mga kasalanan, at ibinabalik ako sa pakikipagkasundo sa Diyos at pinapaapaw sa aking kaluluwa ang kapayapaan. (Roma 5:1). Hindi ba yan ang gusto ko?

11. Subalit matapos maibigay ko ang aking buhay kay Kristo ako ay nakakagawa ng mga pagkakamali na bumubulabog sa aking kapayapaan. Ano ang ginagawa ni Jesus ngayon upang matiyak ang aking nagpapatuloy na pakikipagkasundo? Hebreo 4:14, 16. Tama (T) o Mali (M)?
___ Hindi ko kailangan ang saserdote sa lupa. Si Kristo ang aking makalangit na Punong Saserdote!
___ Maaari akong makipagugnayan sa Diyos sa pamamagitan ni Jesus nasiyang natatangi kong Tagapamagitan!
___ Si Kristo ay patuloy na nagkakaloob sa akin ng biyaya at habag, kapatawaran at kapayapaan.
Pagsasamang muli

12. Isang araw hindi na magtatagal ay isasagawa ni Jesus ang ika-apat na hakbang: Siya ay muling babalik! 1 Tesalonica 4:16. “Sapagka’t ang Panginoon mismo ang bababa mula sa langit na may sigaw, may tinig ng arkanghel, at may trumpeta ng Diyos.” Tutuparin niya ang kanyang pangako (Juan 14:1-3). At kapag siya ay dumating, ay makikita natin Siya! Maririnig natin Siya! At tayo ay mahahaplos ng kaniyang kapangyarihan at kaluwalhatian!

13. Kahangahangang mga bagay ang magaganap sa pagbabalik ni Kristo!

Ang mga tao ni Kristo na namatay ay bubuhaying muli (1 Tesalonica 4:16)
Ang mga tao ni Kristo na aabutang buhay ay ipapanhik sa langit (1 Tesalonica 4:17).
Ang mga tao ni Kristo ay gugugol ng isang libong taon sa langit. (Apocalipsis 20:4).
Ang mga tao ni Satanas na aabutang buhay ay mamamatay (2 Tesalonica 1:7-9).
Ang mga tao ni Satanas na patay ay mananatili sa kamatayan (Apocalipsis 20:5).
Si Satanas ay “Maitatanikala” sa loob ng isang libong taon (Apocalipsis 20:1-3)
14. Ika-limang hakbang: Pupuksain ng Diyos si Satanas at ang kasalanan at lilikha ng isang paraiso ng kapayapaan!
- Sa dulo ng isang libong taon, Ang bayan ng Diyos at ang ciudad ay magsisimulang bumaba (Apocalipsis 21:2)
- Bubuhaying muli ang mga sakop ni Satanas (Apocalipsis 20:5)
- Ipagbabaka ni Satanas ang huling digmaan sa lupa! (Apocalipsis 20:7-9)
- Si Satanas,ang kasalanan, at ang mga makasalanan ay pupuksain (Apocalipsis 20:10, 15)
- Ang Diyos ay lilikha ng bagong langit at bagong lupa. (Apocalipsis 21:1)

15. Kayat ang limang hakbang ay isinagawa na ng Diyos. Isang hakbangna lang ang kailangan mo at kailangan kong isagawa. Anong hakbang iyon?
Roma 12:1 "Kaya nga, mga kapatid,isinasamo ko sa inyo, alang-alang sa mga kahabagan ng Diyos, na inyong ialay ang inyong mga katawan na isang handog na abuhay, banal, na kasiya-siya sa Diyos, na siya ninyong makatuwirang paglilingkod."
__ Sapagkat ibinigay ni Jesus and kaniyang buhay para sa akin, kailangang ibigay ko ang aking buhay sa kanya.
__ Sa aking pagsuko sa aking Tagapagligtas,ako ay binibigyan niya ng kapatawaran, kapangyarihan at kapayapaan.
__ Kasundonangmuli ng Diyos! Magkapisan hanggang sa walang-hanggan!

Ang aking commitment

__ isasagawa ko ang aanim na hakbang sa paglutas ng suliranin ng magasawa.
__ Isinagawa ni Jesus ang limang hakbang sa paglutas ng suliraning sppirituwal. Ako ya handa na ngayon upang isagawa ang ika-anim.
__ Sapagkat ibinigay niya ang kanyang buhay saakin, ibinibigay ko ang aking buhay sa kanya ngayon!

Ang aking pangalan___________________________________________


Tingnan kung tama ang iyong mga sagot: 2. M,T,M,T,T 5. M,T,T 11. T,T,T



Sunod: Aralin 6
Paano Maging Malaya sa Stress


Isinalin sa Pilipino ni Jovenmarlo A. Imperio

Aralin 6 - Paano Maging Malaya sa Stress

Ano ang stress? Ito ang pisikal, mental, at emotional na tugon ng katawan sa isang pangangailangan na kung tawagin ay stressor.

Mga gawaing nakakapagpagaling

1. Ang unang lunas para sa stress ay: Therapy ng buong katawan.
1 Corinto 9:25, 27. "Ang bawat tao na nakikipaglaban sa mga palaruan ay mapagpigil sa lahat ng mga bagay... Ngunit dinidisiplina ko ang aking katawan at aking sinusupil."
Bago ako uminom ng gamot ay kinakailangan munang pangalagaan ko ang aking buong katawan. Tama (T) o Mali (M)?
__ Ang sapat na pagtulog ay nagpapalakas ng kakayanan upang matugunan ang stress.
__ Ang balanseng pagkain ay nagpapahusay ng nutrisyon at kakayanan laban sa stress.
__ Ang caffeine ay dahilan ng pagka-irita, at nakakasira ng aking pagtulog.
__ Ang alcohol ay nakakapagpahina ng resistensiiya laban sa stress.
__ Ang ehersisyo ay nakakapagparelax kapwa ng pag-iisip at ng katawan.

2. Ang ikalawang paraan ng pangangasiwa sa stress ay sa pamamagitan ng mga ehersiyo na may kinalaman sa pagrerelax. Ezekiel 37:4, 5."Manghula ka sa mga butong ito, at sabihin mo sa kanila, Oh kayong mga tuyong buto, inyong pakinggan ang salita ng Panginoon. Narito aking papapasukin ang hinga sa inyo, at kayo'y mangabubuhay.
Tayo po ay magsanay: Huminga ng malalim ngayon! Kailangan din dito ang pagpaparelax sa mga muscle.

3. Ikatlong susi: Ang teknik ng pagpapalit. Ang mga nakakabigat ay palitan ng mga nakakasiya. Roma 12:21 "Huwag kang padaig sa masama, kundi bagkus daigin mo ng mabuti ang masama."

1 Samuel 16:23. Paano ginamit ni Haring Saul ang teknik ng pagpapalit? Kanyang ____________________________.

Pagsasalita ng positivo

4. Ang ika-apat ay pagsasalita sa sarili ng mga positivo. Bakit mahalaga ang kaisipang ito?
[Roma 12:21.] "For as he thinks in his heart, so is he."
Kapag may nagbigay sa akin ngnegatibong mensahe,ako ay maaaring magpasya kung gagawin ko iyong panginoon ko o stressor, o gagawin kong aking alipin.
Negatibong mensahe + negatibong pakikipag-usap sa sarili = stress.
Negatibong mensahe + positibong pakikipag-usap sa sarili = Positibong pakiramdam = walang stress
Kawikaan 17:22. "Ang masayang puso ay mabuting kagamutan: ngunit ang bagbag na diwa ay tumutuyo ng mga buto."

5. Ang ika-limang teknik ay ang pakikipag-usap sa mga tao. Pag-usapan ang tungkol sa iyong stress. Makipag-usap sa taong nakaka-stress kung maaari. Makipag-usap din sa mga taong sumusuporta.
- Si David ay nakipag-usap kay Saul, ang taong nagbibigay sa kanya ng stress.
- Siya ay nakipag-usap din kay Jonathan, ang kanyang tagasuporta. (1 Samuel 20:3, 4)

Spirituwal na pagbubulay-bulay

6. Ang ika-anim na teknil upang ma-control ang stress ang pinakamakapangyarihan sa lahat. Iyon ay ang spirituwal na pagbubulay-bulay.
Awit 46:10. "Kayo ay magsitigil at kilalanin ninyo na ako ang Diyos."
Ginamit ni Jesus and paraang ito araw-araw!
Marcos 1:35. "Atnagbangon siya ng madaling araw, na malalim pa ang gabi, at lumabas, at napasa isang dakong ilang,at doo'y nanalangin."

7. Hindi lang pang araw-araw na pagbubulay-bulay, kailangan din natin ng linguhang pagbubulay-bulay.
Genesis 2:3. "At binasbasan ng Diyos ang ika-pitong araw at kanyang ipinangilin, sapagka't siyang ipinagpahinga ng Diyos sa madlang gawang kaniyang nilikha at ginawa."
Sa magandang halamanan ng Eden, ang Sabbath ay ipinagkaloob sa unang mag-irog. Ngayon, iyon ay isa sa pinaka-makapangyarihang panlunas ng Diyos para sa stress.

8.Ang araw bang ito ay nilikha lamang para sa mga Hudyo o para sabuong sangkatauhan?
Marcos 2:27. Tama (T) o Mali (M)?
__ Si Adam ay hindi isang Hudyo. Kaya't ang Sabbath ay hindi lang para sa mga Hudyo!
__ Para sa taong maputi o taong maitim, mayaman o mahirap, iyon ay nilikha para sa tao!
__ Tulad sa pag-aasawa, iyon ay ipinagkaloob kay Adan at kay Eva para sa buong sangkatauhan.

9. Ang Sabbath ay isang masayang pagdiriwang para sa buong sambahayan ng Diyos.
Sa Genesis 1:27, 31 at Genesis 2:2 ay sinasabi sa atin na:
__ Ang pag-iisang dibdib ay naganap nang Biyernes at ang sunod na araw ay Sabbath.
__ Kaya't y'ong Biyernes ng gabi ang unang gabi ng honeymoon ni Adan at ni Eva!
__ Ang Sabbath ang unang buong araw naginugol ng mag-asawa na magkasama!
__ Kaya't ang Sabbath ay isang natatanging araw para sa masayang sambahayan ng Diyos.

Oo,ang Sabbath ay natatangi!

10. Paano ko nalalaman ang natatanging araw ng kapayapaan ng Diyos?
Lucas 23:53-56; Lucas 24:1. Tingnan natin ang mga araw ng seman santa at ppunuan ang mga patlang.

Araw ng Tinatawag nating Tawag sa Biblia
Pagpako sa Krus Biyernes Santo Ika-anim na araw
Si Kristo sa libingan Sabado de Gloria Sabbath
Pagkabuhay ni Kristo Linggo ng Pagkabuhay Unang araw ng sanlinggo

11. Sapagkat ito ay natatanging araw ng Diyos, maaari ba akong makapili ng iba pang araw?
Mga Bilang 23:20. "Kanyang pinagpala, at hindi ko na mababago."
Wala akong akong kapangyarihan upang magpala. Wala akong kapangyarihang pumili. Hindi ko na mababago.
Ang Sabbath ay natatangi! Dalawampung porsiento ng mga naitalang himala ni Kristo ay naganap sa araw ng Sabbath upang tulungan ang naghihirap at bawasan ang stress!

Kalayaan mula sa stress

12. Kaya, paano nagiging panlunas ng Diyos ang Sabbath para sa stress sa kasalukuyan?
Ang Isaias 58:13, 4 ay may sagot!
__ Sa loob ng buong araw minsan sa isang linggo ay inilalagay ko sa isang tabi ang lahat ng mga alalahanin sa buhay-- hanap buhay,paaralan, negosyo
__ Ang aking pag-iisip ay nagkakaroon ng holiday tuwing Sabbath--nararanasan ang kalayaan mula sa stress.
__ Pagkatapos ng spirituwal na pagpapanibagong sigla, ako ay handa na muling humarap sa mga hamon ng isang bagong sanlinggo.

Ang pagsamba sa araw ng Sabbath ay naghahatid ng panloob na kapayapaan!

Awit119:165 "Dakilang kapayapaan ang tinatamo nila na nagsisiibig ng iyong kautusan. At sila'y walang kadahilanang ikatitisod."
Isaias 26:3, "Iyong iingatan siyasa lubos na kapayapaan, na ang pagiisip ay sumasa iiyo: sapagkat siya'y tumitiwala sa iyo."

13. Sa unang sermon ni Jesus nanapatala, ay tinalakayni Jesus ang tungkol sa pagbawas ng stress!
Lucas 4:16-21. Tama (T) o Mali (M)?
__ Ugali o nakasanayan ni Jesus ang ipangilin ang araw ng Sabbath.
__ Ang tema ng kanyang sermon ay: pagpapagaling, kalayaan, at kapayapaan sa Diyos.
__ Nag-alok siyang pupunuan ang mga pangangailangang iyon kung babalik saaraw ng Linggo.

Kapag ibinigay ko ang aking buhay kay Kristo, Siya ay nagbibigay sa akin ng panloob na kapayapaan,!
Roma 5:1, "Yaman nga na mga ina-aring ganap sa pananampalataya, mayroon tayong kapayapaan sa Diyos."

14. Di na magtatagal, si Jesus ay muling darating! Muli siyang gagawa ng isang planeta na walang stress, isang planeta na may kapayapaang pangwalang hanggan!
Sa Isaias 35:1-5; Isaias 11:6 ay sinasabi sa atin:
__ Ang tuyong lupa ay sasaya at mamumulaklak na gaya ng rosa!
__ Ang bulag ay makakakita, ang bingi ay makakarinig, at ang pipi ay aawit!
__ Ang oso at ang tupa ay magsasamang mapayapa.
__ Ang lahat ng stress ay mawawala! Magiging kapayapaan hanggang sa walang hanggan.

Oo nga!

__ Kokontrolin ko ang stress at hindi ko ipapahintulot naang stress ang magcontrol sa akin
__ Ibig kong maranasan ang kapayapaan ni inihahatid ng Sabbath
__ Panukala ko ang mamuhay na kasama ng Diyos sa planetang walang stress magpakailanpaman.

Ang aking pangalan _____________________________


Tingnan kung tama ang iyong mga sagot T,T,T,T,T 8. T,T,T
10. Paghahanda, Sabbath, Unang Araw

13. T,T,M


Sunod:Aralin 7 - Ano ang sinasabi ng Diyos tungkol sa sex.

Sunday, March 7, 2010

Aralin 7 – Ano ang sinasabi ng Diyos tungkol sa Sex

Saan mang lugar araw-araw , ang mga tao ay nag-uusap tungkol sa sex.

Sa araling ito, ay pakikinggan natin ang sinasabi ng Diyos tungkol sa mahalagang paksang ito.

Pagsang-ayon

1. Ang una nating kaalaman ay: Ang Diyos ang nag-embento sa pagtatalik. Sa napapalooban ng kasal, kanya itong ipinasulong. Genesis 2:24 “Kaya’t iiwan ng lalaki ang kanyang ama at ang kanyang ina, at pumipisan sa kanyang asawan; at sila’y nagiging isang laman. Paano nagiging “isang laman” ang babae at ang lalaki? Sa pamamagitan ng pagtatalik. Kaya’t ang Diyos ang nag-embento ng pagtatalik! At ipinagkaloob niya ito sa dalawang mag-irog bago pa pumasok ang kasalanan.

2. Sa Eden, ito ay ipinasulong ng Diyos Ama, at sa Palestina ito ay ipinasulong ng Anak. Mateo 19:6 “Kaya, hindi na sila dalawa, kundi isang laman.” Sapagka’t ang pagtatalik ay nilikha at ipinag-utos ng Ama at ng Anak, sa napapalooban ng kasal: Iyon ay hindi pangkaraniwan, iyon ay banal! Iyon ay hindi kadiri! Iyon ay banal! Iyon ay hindi marumi! Iyon ay malinis! Iyon ay hindi enembento ng tao, iyon ay inembento ng Diyos!

Hindi pag-sangayon

3. Ang ikalawang prinsipyo ay: Sa labas ng kasal, ipinagbabawal ng Diyos ang pagtatalik. Exodo 20:14 “Huwag kang mangangalunya.” Mayroong iba’t-ibang kalagayan kung saan ang mga pagbabawal ng Diyos ay inilalapat. Tingnan natin ang ilan sa mga iyon.

4. Ang pagtatalik bago pa ikasal ay ipinagbabawal. Tama (T) o Mali (M)? Iyon ay maaaring maging sanhi ng: __ Pagkadama ng kasalanan bago ikasal. __ Hindi magandang karanasan sa pakikipagtalik matapos ang kasal. __ Paulit-ulit na paggawa ng kasalanan. __ Infection sa mga karamdamang dala ng pakikipagtalik, tulad ng AIDS.

5. Pakikipagtalik sa labas ng kasal – kung saan ang isa o dalawa ay kapwa kasal na — ito ay ipinagbabawal. Genesis 39:7-10 Tama (T) o Mali (M)?
__ Innayayahang minsan ni Mrs. Potiphar si Jose na makipagtalik sa kanya.
__ Siya ay nagtanong, “Paano kung tayo ay mahuli ng iyong asawa.?”
__ Wika niya, Paano ngang magagawa ko itong malaking kasamaan at kasalanan laban sa Diyos.

6. “Ang pangaabuso sa pamamagitan ng pakikipagtalik sa mga paslit ay ipinagbabawal! Mateo 18:6 “Ngunit sinomang maglagay ng batong katitisuran sa isa sa maliliit na ito na sumasampalataya sa akin, ay mas mabuti pa sa kanya na bitinan ang kanyang leeg ng malaking batong gilingan, at siya’y malunod sa kalaliman ng dagat.” Ang pangaabuso sa pamamagitan ng pakikipagtalik sa isang bata, maging ito man ay sa pamamagitan ng isang kamag-anak, kaibigan, o isang dayuhan ay lumilikha ng permanenteng pagkasira sa pangangatawan, sa emosyon, at sa espiritwalidad ng isang bata. At iyon ay nakakasakit sa puso ng Diyos!

7. Ang iba pang mga pagtatalik na ipinagbabawal ay ang:
__ Pagkakaroon ng kabit. Ang wika ng Diyos: Tapusin ang relasyon o magpakasal (Hebreo 13:4)
__ Pagiging patotot. wika ng Diyos: Irespeto mo ang iyong katawan bilang Aking templo (1 Corinto 6:15, 18)
__ Pagiging bakla o tomboy. Wika ng Diyos: Huwag mo iyong gawin (Roma 1:26-28)

Pagkakaroon ng Bonding

8. Ang ikatlong kaisipan natin ay: Ang pagtatalik ay nilikha, hindi lamang para sa pagkakaroon ng mga supling, kundi ganon din sapagkakaroon ng bonding ng kasal na mag-asawa. Genesis 2:24 “Sila ay magiging isang laman” Sa pamamagitan ng pagtatalik nagiging isang laman ang lalae at ang babae. Ang pisikal na pagiging isang laman ay kinakailangang maging simbolo ng pagiging isa a emosyon, sa kaisipan, at espirituwalidad.

9. Ang ika-apat na prinsipyo ay: Ang pagtatalik ng mag-asawa ay kinakailangang maging paglalarawan ng espirituwal na bonding namin ni Jesus. Sa Efeso 5:31, 32 ay sinasabi sa atin: Ang mag-asawa ay kinakailangang maging magkalakip sa pamamagitan ng pagtatalik. Ako at si Jesus ay kinakailangang magkaroon ng spituwal na paglalakip.

10. Ang pakikipaglakip kay Jesus ay may limang pangangailangan:
Lihim. Kung paanong ang pagtatalik ay kinakailangang maging lihim, ako ay nangangailangan ng lihim na dako sa pakikipagsalirinan sa Diyos (Mateo 6:6) Panahon. Ang pakikipagtalik ay gumugugol ng panahon. Ganon din naman kailangan ko ng mahalagang panahon araw araw para kay Jesus (Mga Awit 55:17; Marcos 1:35) Pagsasalita. Kung paanong ang ang pagtatalik ng magasawa ay nagiging masmainam sa pamamagitan ng paguusap kailangan kong makipag-usap kay Jesus sa pamamagitan ng panalangin. Pakikinig. Samantalang ang isa ay nagsasalita ay isa ay nakikinig. Kaya’t kung ako ay nakikipag-usap sa Diyos sa panalangin kinakailangang makinig din ako sa kanyang pagsasalita sa akin sa pamamagitan ng pagaaral ng Bibliya (Juan 5:39) Pagbubulay-bulay. Ang pananatili sa mga bisig ng isa’t isa ang tatak ng aming malapit na rlasyon. Kayat ako ay nananatili samatamis na pesensiya ng Diyos sa pamamagitan ng spirituwal na pagbubulay-bulay (Mga Awit 104:34)

11. Ang ika-limang kaisipan natin ay: Ang pagkakaroon ng malapit na ugnayan sa pagtatalik ay obligasyon kapwa ng lalaki at ng babae 1 Corinto 7:3-5 “Dapat ibigay ng lalaki sa asawa ang karapatan nito, gayundin naman ang babae sa kanyang asawa. Sapagkat ang babae ay walang karapatan sa kanyang katawan, kundi ang asawa, at gayun din ang lalaki ay walang karapatan sa kanyang sariling katawan, kundi ang asawa. Huwag pagkaitan ang isa’t isa, maliban kung pagkasunduan ng ilang panahon” Yan ay makapangyarihang mga pananalita! Ang aking katawan ay hindi ko sarili pagaari! Una ito ay pag-aari ng Diyos. Pangalawa ito ay pag-aari ng aking kabiyak! Kaya’t sa Masayang sambahayan ng Diyos, ang pagtatalik ay isang mahalagang usapin ng magasawa.

12. Sa ating pagtanda, ang mga magasawa ay nagkakaroon ng pagkakaiba sa kagustuhan at kakayanan sa pakikipagtalik. Paano dapat makitungo ang magasawa sa mga bagay na ito? Filipos 2:3, 4. “Huwag ninyong gawin ang anuman sa pagpapaligsahan o pagmamataas, kundi sa kababaan, ituring na ang iba ay higit na mabuti kaysa inyong sarili. Huwag tingnan ng bawat isa sa inyo ang kanyang sariling kapakanan, kundi ang kapakanan ng iba.

Spirituawal na obligasyon

13. Narito ang pinakahuli nating prinsipyo: Ang obligasyon sa isat isa ng magasawa ay isang talinhaga ng obligasyon namin ni Jesus sa isat isa. Sapagkat ako ay mahal na mahal ni Jesus ano ang kanyang obligasyon sa akin? Roma 5:8 “Subalit pinatutunayan ng Diyos ang kanyang pag-ibig sa atin, na noong tayo’y mga makasalanan pa, si Kristo ay namatay para sa atin.” Samantalang ako ay nakatayo sa paanan ng krus at minamasdan ang kanyang kahanga-hangang pag-ibig, ako ay nagsabi, “Masdan ninyo kung anong uri ng pag-ibig ang ipinagkaloob sa atin ng Ama!” (1 Juan 3:1)

14. Kung iniibig ko si Jesus ng lubos, ano ang aking obligasyon sa kanya? Juan 14:15 “Kung ako’y inyong minamahal ay tutuparin ninyo ang aking mga utos.” Sapagka’t tunay ang ang aking pag-ibig kay Jesus, Kalooban kung sundin ang kanyang sampung utos na nagsaasbi:

- Huwag kang magkaroon ng ibang mga diyos sa harap ko.
- Huwag kang gagawa ng larawang inanyuan
- Huawg mong babanggitin ang pangalan ng Panginoon mong Diyos sa walang kabuluhan
- Ingatang mong banal ang Sabbath na ika-pitong araw
- igalang mo ang iyong ama at ang iyong ina
- Huwag kang papatay
- Huwag kang mangangalunya
- Huwag kang magnanakaw
- Huwag kang magsisinungaling
- Huwag kang mang-aangkin

15. Samantalang ang pagiging malapit sa isat isa ay nararanasan namin ni Jesus, kami ay naguusap tungkol sa aming pagmamahalan:
Jesus: “Minamahal kita ng walang hanggang pag-mamahal.”
Ako: “Mahal ko ang Panginoon.”
Jesus: “Kung ako’y iyong minamahal ay tutuparin mo ang aking mga utos.”
Ako: “Jesus mahal kita, ikaw ay akin.
Dahil sa yo ang sala’y itatakwil
Manunubos ko’t Tagapagligtas ka;
Jesus kung iibigin ka’y ngayon na.

Ang aking kapasyahan

__ Ako man ay may asawa o wala, pararangalan ko ang Diyos sa buhay ng aking pakikipag-relasyon.
__ Maglalaan ako ng panahon upang maranasan ang malalim na pakikipagtalik sa sa aking asawa.
__ Maglalaan ako ng panahon at lugar para sa araw-araw na pakikpagrelason kay Jesus.
__ Nagpasya akong isuko ang aking buhay sa kalooban at mga utos ng mapagmahal kong Tagapagligtas.

Ang aking pangalan _______________________________

Susunod Aralin 8
Sanggol na Lalaki! Sanggol na babae!

Isinalin sa Pilipino ni Jovenmarlo A. Imperio

Aralin 8 – Sanggol na lalaki! Sanggol na babae!

Paminsan-minsan ay may batang nagtatanong sa magulang, “Saan nanggagaling ang mga sanggol?” Tingnan natin ang mga sagot.

Paglilihi

1. Nilikha ng Diyos ang pagtatalik para sa pagiging isang laman ng mag-asawa (Genesis 2:24) at para sa pagkakaroon ng mga supling (Genesis 1:28). Paano nagaganap ang paglilihi?

Ang ovum ng babae. Buwan-buwan ang ovaryo ng babae ay naglalabas ng ovum o itlog sa fallopian tube. Ang itlog na ito ay naglalakbay sa falopian tube patungo sa uterus o bahay bata. Kung ang ovum ay hindi nabinhian, ang dugo sa utero ay nagiging hindi kailangan at iyon ay inilalabas, kaya nagkakaroon ng menstration.
Ang bindi ng lalaki. Sa panahon ng pagtatalik ang katawan ng lalaki ay naglalabas ng semen na naglalaman ng di mabilang na binhi na nagsisimula ng kanilang paglalakay sa oviduct sa paghahanap ng itlog.
Fertization. Kung ang tiempo ay tama, ang isang malakas na binhi ay nakakatagpo ng ovum at iyon ay binibinhian. At ang ovum na nabihian ay nagpapatuloy ng paglalakbay patungo sa bahay bata kung saanito gumagawa ng mahihigaan. Ang dugo ay nagaamitat ang menstration ay tumitigil. Nagkaroon ng paglilihi.Isangbagong buhay ang nagsimula!
2. Gaano kalaki ang ovum at ang binhi?
Ang itlog ng babae ay mas maliit pa sa tuldok sa dulo ng pangungusap na ito. Ang haba ng bindi ng lalaki ay 1/500 pulgada o 1/20 millimeter! Oh kahangahanga! Paano nagkakaroon ng puso, baga, utak, mga buto, at bagong sistema ng pag-anak ang gann kaliit na celyula?

3. Ang paglilihi ay isang kahangahangang himala!
Mga Awitt 100:3. “Kilalanin ninyona ang Panginoon ay Diyos! Siya ang lumalang sa atin, hindi ang ating sarili.”
Hindi tayo ang gumagawa ng mga bata.Ang Diyos ang tagagawa. Ang mgamagulangaypawangma sisidlan lamang para sa paggawa ng Diyos ng mga himala.

4. Sa loob ng kasunod na siyam na buwan, ang misteryo ng paglago ay sumusulong.
- Ang unang celyula ay nagpapatuloy sa pagdami hanggang sa panahon ng pagsilang ay mayroon nang isang trilyun na mga celyula.
- Ang iba’t ibang grupo ng mga celyula ang nagiging iba’t ibang organo ng fetus.
- At sumasapit ang mahimalang sandali naang sanggol ay isinisilang.

5. Ang lahat ba ng ito ay maaaring mangyari na walang nagdesenyo nito? Diba meyroong matalinong Lumikha?
Mga Awit 139:13, 14. “Sapagkat hinubog mo ang aking nasa loob na bahagi, at sa bahay-bata ng aking ina ina ako’y iyong hinabi. Ako’y magpapasalamat sa iyo sapagkat ang pagkagawa sa akin ay kakilakilabot at kamanghamangha. Ang iyong mga gawa ay kahangahanga; at iyon ay nalalamang mabuti ng aking kaluluwa.”

Tunay nga, maging sanggol na lalaki o sanggol na babae,

ang bawat bagong silangay isang himala!

Anong bahagi ng himala tungkol sa pagsilang ang pinaka-nakamamanghasa para sa iyo?

Bagong Pagsilang

6. Ginamit ni Jesus ang tungkol sa pagsilang ng isang sanggol upang ituro kay Nicodemo ang himala ng espirituwal na pagkapananak. Juan 3:3, 4. Tama (T) o Mali (M)?

__ Sinabi ni Jesus, Kailangang isilang muli ang isang tao bago siya makapasok sa kaharian ng Diyos.

__ Sagot ni Nicodemo:Paano isisilang ang isang tao kung siya’y matanda matanda na?
__ Ang binabangggit ni Jesus ay hindi tungkol sa

pisikal na pagsilang muli kundi espirituwal na pagsilang.

7. Ang pisikal na pagsilang ay may dalawang
pangangailangan. Ganon din ang spirituwal na pagsilang.
Ano ang mga iyon?
Juan3:5 “Sumagot si Jesus, Katotohanan, katotohanang

sinasabi ko sa iyo, Maliban na ang tao’y ipanganak ng

tubig at ng Espiritu, ay hindi siya makapapasok sa

kaharian ng Diyos.”

Kaya’t ang formula ay:
Binhi + ovum = Pisikal na buhay
Espiritu + tubig = buhay na walang hanggan

8. Ang kahulugan ng “isilang ng espiritu” ay kapatawaran

at pagkahikayat. Ang pagsilang sa pamamagitan ng “tubig”

ay tumutukoy sa bautismo.

Marcos 16:16. “Ang sumasampalataya at mabautismuhan ay

maliligtas”

Pangangailangan

9. Ang pagkahikayat ay mahalaga. Ang bautismo rin ba ay
mahalaga para sa aking kalilgtasan?
Juan3:5 “Sumagot si Jesus, ‘Katotohanan, katotohanang sinasabi ko sa iyo, Maliban na ang tao’y maipanganak ng tubig at ng espiritu, ay hindi siya makapapasok sa kaharian ng Diyos.’”

10. Ano ang kahulugan ng bautismo? Roma 6:3, 4. Tama (T)
o Mali (M)?
__ Ginugunita ng bautismo ang pagkamatay, pagkalibing, at
pagkabuhay muli ni Jesus
__ Kumakatawan ito sa pagkamatay ko sa kasalanan,
paglillibing saluma kong buhay,at pagbangon sa isang
bagong buhay
__ Ang panlabas na anyo ng bautismo ay simbolo ng panloob
na pagkahikayat.
__ Hindi matuwid na bautismuhan ang mga sanggol sapagkat
hindi pa nila nauunawaan ang kahulugan nito.

11. Sapagkat ang bautismo ay nangangahulugan ng
kamatayan, pagkalibing,at pagkabuhay muli, ang paraan ng
pagsasagawa nito ay sa pamamagitan ng paglulubog Gawa
8:38, 39. “At silal’y kapwa lumusong sa tubig, si Felipe
at ang bating; at kanyangbinautismuhan siya.”

Mga halimawa

12. Ang ministro ng pananalaping Ethiopia ay isang kahangahanganghalimbawa./siya ay:

May pinag-aralan at may mataas na tungkulin.

Isang mananaliksik ng katotohanan, binabasa ang propesiya sa Isaias 53.

Itinuro ni Felipe na ang nagdurusang tulad ng tupa ay si Jesus.

13. Tingnan kung ano ang sunod na nangyari!

Gawa 8:36-38. Tama (T) o Mali (M)?

Ang bating ay humiling ng kaunti pang panahon upang pag-isipan ang tungkol sabagay na iyon.

Hindi na kinailangang magtanong si Felipe. Ang bating ay humiling na mabautismuhan.

Kaagad siyang nabautismuhan at siya ay humayo na nagagalak.

Kapag ako ay sumunod kay Jesus sa pamamagitan ng bautismo, ako rin, ay magagalak.

14. Ang bating na ingat yaman ay isang mabuting halimbawa. Subalit si Jesus ang pinakamabuting halimbawa.
Mateo 3:16 “At nang mabautismuhansi Jesus, pagdaka’y umahon sa tubig: at narito, nangabuksan sa kaniya ang mga langit, at nakita niya ang Espiritu ng Diyos na bumababang tulad sa isang kalapati, at lumalapag sa kaniya.”

Kailangan ba ni Jesus mabautismuahan? Siemprehindi! Subalit siya ay binautismuhan bilang aking halimbawa.

15. At may kahanga-hangang bagay na nangyari! Mateo 3:17. “At narito, ang isang tinig na mula sa mga langit, na nagsasabi, Ito ang sinisinta kong Anak, na siya kong lubos na kinalulugdan.”

Ang aking kapasyahan

__ pinupuri ko ang Diyos dahil sa buhay ng tao. Kakilakilabot at kamanghamangha ang pagkagawa sa akin.
__ Pinipili ko ang ako ay isilang muli: Sa loob ay pagkahikayat at sa labasnaman ay bautismo.
__ Sa isa sa mga araw na ito ay ibig kong sumunod kay Jesus sa bautismo.

Ang aking pangalan __________________________________

Tingnankung tamaang iyong magsagot: 6. T, T, T. 10. T, T, T. 13. M, T. T.

Susunod: Aralin 9 Paano Maiwasan ang Paghihiwalay.

Friday, March 5, 2010

Aralin 9 - Paano Maiiwasan ang Paghihiwalay ng Mag-asawa

Laganap ngayon ang paghihiwalay ng mag-asawa. Narito ang limang hakbang upang ito ay mapigilan.

Ang Ungang Apat na Hakbang

1. Unang hakbang para sa isang nagtatagal na pagsasama ng magasawa ay: Magkaroon ng commitment sa halip na experiment. Ganito ang sabi ng nag-eexperiment, "Susubukan ko ito; sana maging mabuti. Pero kung hindi, makikipag-break ako at magsisimula muli." At siempre, hindi yon magiging mabuti!
Ganito ang sinasabi ng gumagawa ng commitment, Gumagawa ako ng isang commitment na panghabang-buhay, at gagawin ko ang lahat ng kailangang gawin upang ito ay maging mabuti!" Kalimitan, iyon ay nagiging mabuti! Awit 57:7. "Ang aking puso ay tapat, O Diyos, ang aking puso ay tapat."

2. Pangalawa, Ipahayag ang aking pag-ibig. Paano ito ginawa ni Solomon at ng kaniyang asawa?
Awit ng mga Awit 4:1. Asawang lalaki: "O napakaganda mo, mahal ko."
Awit ng mga Awit 5:16. Asawang babae: "Ang kanyang pananalita ay pinakamatamis; at siya'y totoong kanais-nais."
Ang sarili kong pananalita ng pag-ibig sa aking asawa ay: ___________________________________________________________________________________________________________________________________________________________________________

Kailangan nating ipahayag ang ating pag-ibig sa isat isa. Ang mahahalagang mga salitang, "Mahal kita" ay kinakailangang mabanggit ng madalis. At mayroong mga pahayag ng pagmamahal sa pamagitan ng isang halik, isang card, iang ragalo hindi lang kung may birthday o anniversary kundi kahit anong araw ng taon.

3. Ang ikatlo ay: Palaging mag-ugnayan. Natatandaan mo pa ba ang tatlong susi?
- maging mabiyaya ang pagsasalita (Colosas 4:6)
- maging aktibo sa pakikinig (Santiago 1:19)
- magbigayan sa isat isa (Filipos 2:4)

Ang pagdaloy ng ugnayan sa pamilya ay tulad ng pagdaloy ng dugo sa katawan.

4. Ang ika-apat ng hakbang ay napakahalaga. Unahin ang pangangalingan ng aking asawa kaysa sarili kong pangangailangan.
Roma 15:1-3. "Kaya't tayong malalakas ay nararapat magtiis sa kahinaan ng mahihina, at hindi upang magbigay lugod sa ating mga sarili. Bawat isa sa atin ay magbigay-lugod sa kanyang kapwa para sa kanyang kabutihan....Sapagkat si Kristo man ay hindi nagbigay-lugod sa kanyang sarili."

- Ang ugat ng bawat suliranin ng mag-asawa ay "una muna ang sarili".
- Ang susi sa paglutas ay "Asawa muna".

Magkasama hanggang sa walang hanggan!

5. Ang pinakamakapangyarihang hakbang ay: Dumalangin kasama ng asawa at para sa asawa araw-araw.
Mateo 18:19. "Sinasabi ko rin naman sa inyo, na kapag nagkasundo ang dalawa sa inyo sa lupa tungkol sa anumang bagay na kanilang hinihiling ay gagawin para sa kanila ng aking Ama na nasa sa langit."
Si Satanas ay patuloy na nagsisikap manira sa aming mag-asawa, at siya ay mas-malakas sa amin! Subalit kung si Kristo ay nasa aming panig, kami ay magwawagi! Kaya araw-araw ay kailangan naming manalangin.

6. Sa halamanan ng Eden kung saan ang unang mag-irog ay pinagsama, isa pang pagsasama ang binigyang-daan!
Sa Genesis 1:27, 28; 2:3 ay sinasabi sa atin:
- Noong ika-anim na araw, si Adan at si Eva ay pinisan upang magsama hanggang sa walang hanggan.
- Noong ika-pitong araw, Si Kristo at ang Kaniyang Sabbath ay pinisan upang magsama hanggang sa walang hanggan.
Minsan ay sinasabi na si Kristo at ang Sabbath ay pinisan sa Lumang Tipan at pinag-hiwalay sa Bagong Tipan! Maaari bang maging tumpak ang pahayag na iyon? Tingnan natin ang tatlong lugar kung saan ay pinaniniwalaang naganap ang paghihiwalay.

Noong si Kristo ay Ipako sa Krus

7. Noong si Kristo ay ipako sa krus, ang Sabbath ba ay ipinako rin sa krus na kasama niya?
Colosas 2:14-17 "Na pinawi ang sulat-kamay na laban sa atin na nasa mga tuntuning salungat sa atin, at ito'y kanyang inalis at ipinako sa krus... Kaya't ang sinuman ay huwag humatol sa inyo tungkol sa pagkain at inumin, o tungkol sa kapistahan, o bagong buwan o mga araw ng Sabbath, na ang mga ito ay isang anino ng mga bagay na darating, ngunit ang katawan ay kay kristo.
Ang anino. Bago isinilang si Kristo sa Bethlehem, ang kanyang anino ay ang santuwaryo at ang mga paglilingkod dito. Araw-araw, ang nagsisising makasalanan ay nagdadala ng tupa sa santuwaryo at iyon ay pinapatay bilang sakripisyo para sa kanyang kasalanan.
Ang mga kapistahan. Sa sistema ng mga sakripisyo, ang kalendaryo ng mga Hudyo ay may pitong mga kapistahan taon-taon tulad ng Pascua, Pentecostes, at Araw ng pagtubos. Ang mga kapistahang ito ay tinatawag na "mga sabbath" (Levitico 23:27, 32). Ang bawat isa sa mga iyon ay ginaganap minsan sa isang taon, tulad ng kuaresma at pasko. Ang mga kapistahangg ito ang ipinako sa krus. Nang si Jesus ay sumigaw, "Natapos na!," ang "tabing ng templo ay napunit sa dalawa"! (Mateo 27:51)
Walang paghihiwalay! Kaya't ang mga sabbath na ceremonyal ay ipinako sa krus, subalit ang Sabbath tuwing ika-pitong araw ay nagpapatuloy. Sa paghihiwalay na naganap sa kalbaryo! Ang Sabbath at si Kristo ay magkapisan pa rin!

Noong si Kristo ay bumangon mula sa libingan

8. Binago ba ni Krisot ang Sabbath noong siya ay bumangon mula sa libingan?
Juan 20:19. Nang magdadapit-hapon na ng araw na iyon, na unang araw ng linggo, habang nakasara ang mga pinto sa kinaroroonan ng mga alagad dahil sa takot sa mga Hudyo dumating si Jesus at tumayo sa gitna, at sa kanila'y sinabi, 'Kapayapaan ang sumainyo'"
Ang ating Tagapagligtas ay walang sinasabi dito tungkol sa paghiwalay Niya sa kanyang Sabbath. Sila ay magkapisan pa rin!

9. Pagkatapos ng pagbangon ni Kristo mula sa libingan, ay mayroong dalawang pagkakataon kung saan binanggit ang "unang araw."
1 Corinto 16:1, 2 "Ngayon, tungkol sa ambagan para sa mga banal, ay gawin din ninyo gaya ng aking itinagubilin sa mga iglesya sa Galacia. Tuwing unang araw ng sanlinggo, ang bawat isa sa inyo ay magbukod at maglaan ayon sa kanyang makakaya, upang huwag nang gumawa ng mga ambagan pagdating ko."
Dito ay walang pagpupulong, at walang binabanggit na kabanalan ng Linggo.

10. Ang isa pang pagbanggit sa "Unang Araw" ay sa Gawa 20:7 sa tagpong ito:
- Si Pablo ay namamaalam at noon ay Sabado ng gabi (Genesis 1:5)
- Sila ya nagputol-putol ng tinapay, isang bagay na ginagawa ng iglesya anumang oras, at saan mang dako (Gawa 2:46)
- Si Eutico ay nakatulog sa bahay dalanginan, nahulog siya at namatay. Subalit siya ay binuhay muli!
Walang paghihiwalay! Kaya't sa pagbangon ni Kristo mula sa libingan, at sa buong panahon ng Bagong Tipan ay walang paghihiwalay. Ang Tagapagligtas at ang Sabbath ay nananatiling magkapisan!

11. Dahil ang pagiging banal ng araw ng Linggo ay hindi masusumpungan sa Biblia, saan iyon nagmula?
Sa loob ng tatlong daang taon mula sa pagkamatay ni Jesus ay inusig ng Roma ang mga Kristiyano. At dumating si Emperador Constantine na nagpalit ng stratehiya sa pamamagitan ng pagpahintulot sa mga Kristiyano na sumamba kay Kristo, na Anak ng Diyos, sa banal na araw ng pagsamba ng Roma sa araw. Ang kanyang batas tungkol sa Linggo ay nilagdaan noong Marso 7, 321. Makalipas ang isang daan at limampung taon, ang emperio ng Roma ay nabuwag. Ang iglesya ang naging makapangyarihan noon sa Europa, at pinagtibay ang pangigilin sa araw ng Linggo.

Iniligtas sa pamamagitan ng biyaya

12. Kung ako ay iniligtas sa pamamagitan ng biyaya ni Jesus, ako ba ay nagiging masunurin sa kautusan ni Jesus?
Roma 3:31. Si Pablo ay nagtatanong: "Pinawawalang-saysay ba natin ang kautusan sa pamamagitan ng pananampalataya?"
Ang sagot niya ay: "Huwag nawang mangyari! Kundi pinatitibay pa nga natin ang kautusan."
Ang nag-oover speeding na si Harry ay pinara ng pulis at siya ay pinatawad. Iyon ba ay nangangahulugan ng pagbibigay sa kanya ng pahintulot upang mag overspeeding ulit? Siempre hindi! Ganon din naman kung ako ay iniliigtas sa pamamagitan ng biyaya ni Jesus, kinakailangang ingatan ko ang utos ni Jesus!

13. Kung ako ay inililigtas sa pamamagitan ng biyaya, sa halip na paghihiwalay, nagkakaroon ng muling pagtataga.
Ang Hebreo 8:10 ay isang matinding talata! Sa ilalim ng bagong tipan, ang pahayag ng Diyos ay, "Ilalagay ko ang aking mga kautusan sa kanilang pagiisip, at isusulat ko ang mga iyon sa kanilang mga puso."
Isang kahanga-hangang kaisipan! Ang kamay ni Jesus na binutasan ng pako, dinaluyan ng sarili niyang dugo, ang magsusulat sa aking pag-iisip at gagawin akong masunurin sa Kanyang mga utos! kayat ang Sabbath at ang Tagapagligtas ay magkapisan na nabubuhay sa akin magpakailanman!

14. At sa buong panahon ng walang-hanggan, Ang Tagapagligtas at ang Sabbath ay mananatiling magkapisan!
Isaias 66:22, 23. "At mula sa bagong buwan hanggang sa isa pang bagong buwan, at mula sa isang Sabbath hanggang sa isa pang Sabbath, paroroon ang lahat ng laman upang sumamba sa harapan ko." Yan ang masayang sambahayan ng Diyos sa walang hanggan!

Ang aking kapasyahan

__ kung kasal na, sasariwain ko ang aking pagtatalaga sa aking asawa na kami ay palaging magsasama.
__ Ipinapangako kong maging tapat sa aking Tagapagligas, at iingatan kong banal ang Kanyang Sabbath magpakailanpaman.


Ang aking pangalan __________________________________________________


Sunod: Aralin 10 - Paano ang Paghawak ng Aking Pera.

Isinalin sa Pilipino ni Jovenmarlo A. Imperio

Thursday, March 4, 2010

Aralin 10 - Paano ang paghawak ng pera

Paano ang paghawak ng pera


Isang malaking secreto ng masayang pamilya ay ang paghawak ng pera. Narito ang apat na susi upang maging matagumpay sa pananalapi.

Mga Panukala Tungkol sa Pera

1. Ang unang susi ay gamitin ang Panukala ng Mag-Partner. Mayroong ibat ibang panukala tungkol sa pananalapi ng pamilya. Una ay Isa ang Boss.
Sa panukalang ito ay isang tao lang, kalimitan ay ang asawang lalaki, ang kumikita ng pera. At sinasabi niya, "Ako ang boss! Pera ko ito at gagamitin ko ito kung saan ko gusto. Wala nang mga tanong-tanong!"
Ipinagbabawal ni Jesus ang ganitong uri ng kaisipan.
Mateo 20:25, 26. "Alam ninyo na ang mga pinuno ng mga Hentil ay nangingibabaw na panginoon sa kanila, at ang mga dakila sa kanila ay gumagamit ng kapangyarihan sa kanila. Hindi maaaring magkagayon sa inyo, kundi ang sinoman sa inyo na nagnanais maging dakila ay kailangang maging lingkod ninyo."

2. Ang ibang mga pamilya ay ginagamit ang Panukala ng Dalawang Boss.
Dito ang isang ka partner ay nagkaroon din ng hanap buhay at nagkaroon ng kita. Ang bawat isa sa kanila ay nagbabantay sa sarili niyang kita. "Ako ang boss ng aking pera" Mayroon silang kapasyahan kung sino ang sasagot sa kanyang gastusin.
Hindi ito ang panukala ng Diyos, sapagkat nilalabag nito ang pilosopiya ng pagaasawa.
Mateo 19:6. "Kaya hindi na sila dalawa, kundi isang laman." Ang pilosopiya ng pagkakasal ay ang dalawa ay nagiging isa--hindi lamang sa kama kundi ganon din sa lahat ng aspeto ng buhay.

3. Ang ibang mga tahanan ay ginagamit ang Panukala ng Mag-Partner.
Kung ang isang tao ay kumikita, ang kita ay inilalagay sa mesa. Kung parehong kumikita ang magasawa, ang kita ng dalawa ay parehong inilalagay sa mesa. "Hindi ko ito pera kundi pera natin."
Ang panukalang ito ay may mahahalagang mga implikasyon.
Pinagsamang kita: ito ay pera natin.
Pinagsamang gastos: Ang malaking mga gastusin ay pinagpapasyahan ng dalawa.
Pinagsamang budget. Magkasama silang gumagawa ng budget.
Pinagsamang pananagutan sa pananalapi: Ang pagkakautang ay pinagpapasyahan ng dalawa.
Pinagsamang pag-iimpok: parehong nagpapasya sa pagiimpok.

Ang nakalulungkot ay mayroong mga pagkakataon na ang panukalang ito ay nawawalan ng bisa. Kapag ang isa sa magasawa ay naglulustay ng pera sa alak, sa sugal o droga hindi makakabuti ang pagsasama ng pera.

Ang pinakamabuting panukala

4. Ang ating ikalawang susi ay: Ang Panukala ng Senior Partner ang pinakamahusay na panukala. Sino ang Senior Partner?
Hagai 2:8. "Akin ang pilak at akin ang ginto, sabi ng Panginoon ng mga hukbo."
Ang panukala ng mag-partner ay nagsasabi: Ang lahat ng pera ng lalake at ang lahat ng pera ng babae ay pagaari ng dalawa. Sa Panukla ng Senior Partner ay ganito: "Ang lahat ng ating pera ay pag-aari ng Diyos! Ito ang panukala para sa Masayang Sambahayan ng Diyos!
Kung ang Diyos ang may-ari, ano ang aking papel?
1 Corinto 4:2. "Kailangan sa mga katiwala na sila ay matagpuang tapat."
Ang katiwala ay isang manager -- na kinakailangang magbigay sulit sa may-ari.

5. Ang simbolo ng pagkamay-ari ng Diyos sa Eden ay isang punong-kahoy. (Genesis 2:16, 17). Ano ang simbolo ng pagkamay-ari ng Diyos ngayon?
Levitico 27:30. "Lahat ng ikasampung bahagi ng lupain... ay sa Panginoon."
Magkano ang ikasampung bahagi ng Panginoon?
Levitico 27:32. Tama (T) o Mali (M)?
__ Kung kumita ako ng sampung piso, dalawang piso ang ikapu.
__ Kung ako ay kumita ng P100 ang ikapu ay P10 .
__ Kung ako ay kumita ng P1000 ang ikapu ay P100.
Samantalang ang ikapu ay isang banal na obligasyon, ang mga handog ay pagpapahayag ng pagmamahal sa Diyos.

6. Ninanakawan ng ibang tao ang Diyos at ang kanilang pera ay sinusumpa!
Malakias 3:8, 9. "Nanakawan ba ng tao ang Diyos? Gayunma'y ninanakawan ninyo ako!...sa mga ikasampung bahagi at sa mga handog. Kayo'y isinumpa ng isang sumpa, sapagkat ninanakawan ninyo ako."

7. Ang iba ay nakikipagpartner sa Diyos, ibinabalik ang Kanyang ikapu at ang kanilang pera ay pinagpapala!
Malakias 3:10. "Subukin ninyo ako ngayon, sabi ng Panginoon ng mga hukbo. Tingnan ninyo kung hindi ko bubuksan para sa inyo ang mga bintana ng langit, at ibubuhos ko sa inyo ang isang pagpapala na walang sapat na kalalagyan."Himala! Kapag ibinibigay ko muna sa Diyos ang Kanyang bahagi, pinararami niya ang nalalabi! Isang balo ang nakatuklas na ito ay tunay. (1 Hari 17:10-16)

Paggawa ng Budget

8. Ang ikatlong susi sa tagumpay sa pananalapi ay: Gumawa ng budget at iyon ay gamitin.
Sa Lucas 14:28-30 ay binabanggit ang tungkol sa pagpapanukala at pagkakaroon ng budget. Tama (T) o Mali (M)?
__ Ang mainam ay isang budget na walang pagkautang, subalit pagkaminsan ang budget na may pagkakautang ay katanggap-tanggap.
__ Ang magkapartner ay parehong kasangkot sa paggawa ng budget.
__ Ang bahagi ng Diyos ay kinakailangang pangalawa sa listahan.
__ Kabilang dapat sa budget ang may personal na allowance ang bawat magpartner.
__ Ang lalaki bilang ulo ng pamilya, ang kinakailangang mangasiwa sa budget.

Tayo ay magsanay: Gumawa ng budget ayon sa kinikita ng pamilya. Tandaan ang pagiging una sa lahat ng bahagi ng Diyos.

Isang Matalinong Pamumuhunan

9. Ngayon para sa panghuli nating susi: Mamuhunang kasama ng Diyos--hindi lang 10% ng aking salapi, kundi 100% ng aking buhay. Isang dakilang halimbawa si Levi Mateo.
Sa Lucas 5:27 ay sinasabi sa atin:
__ Si Mateo ay isang maniningil ng buwis -- isang napakayamang tao!
__ Ang mga opisyal na ito ng Roma ay tumatanggap ng pera para sa pamahalaan sa pamamagitan ng isang kamay at ang isang kamay ay tumatanggap rin para sa kanilang sarili.
__ Siya ay inutusan ni Jesus, "Sumunod ka sa akin!"

10. Kung paano kay Mateo ay ganon din sa akin! Hindi lang ang 10% ng aking salapi kundi ang 100% ng aking buhay.
Mateo 16:24. "Kung ang sinoman ay ibig sumunod sa akin, tanggihan niya ang kanyang sarili, at pasanin ang kanyang krus, at sumunod sa akin!"
Marcos 16:16. "Ang sumampalataya at mabautismuhan ay maliligtas."
Ang ilan sa mga naisip ni Mateo ay maaaring:
__ Sa moralidad ay hindi maganda ang aking hanap-buhay, subalit sa pananalapi iyon ay mahusay.
__ Kung ako ay susunod sa pulubing mangangaral na ito, baka ako rin ay magiging pulubi.
__ Masyadong biglaan ito! Kailangan ko ng panahon upang ito ay pag-isipan.

Sa kabila ng lahat, si Mateo ay kaagad nagpasya!
Lucas 5:28. ""Iniwan niya ang lahat, tumayo, at sumunod sa kanya."
Yan ang sagot na kinakailangang gawin ng bawat isa sa atin ngayon.

11. Kapag ako ay namuhunan ng aking buhay kay Kristo ako ay nagkakaroon ng malaking pakinabang sa buhay na ito.
Mateo 19:29. "At ang sinomang nag-iwan ng mga bahay, o mga kapatid na lalaki, o mga kapatid na babae, o ama, o ina, o mga anak, o mga lupa, alang-alang sa aking pangalan, ay tatanggap ng makasandaang ulit at magmamana ng buhay na walang hanggan."

12. At balang araw tulad ni Mateo, ay tatanggapin ko ang walang-hanggang mga pakinabang!
Apocalipsis 21:21. "At ang lansangan ng lunsod ay dalisay na ginto, na gaya ng naaaninag na salamin."
Apocalipsis 2:10. "Maging tapat ka hanggang sa kamatayan, at ibibigay ko sa iyo ang korona ng buhay."

Sa pamamagitan ng biyaya ng Diyos
__ Hindi ko gusto ang lahat ng uri ng panukala ng mga boss.
__ Magbabalik ako ng ikapu sa aking Panginoon, bilang pagkilala sa kanya bilang aking Senior Partner.
__ Tulad ni Levi Mateo, ibig kong sumunod kay Jesus hanggang sa wakas.
__ Ako ay nagpasyang mabautismuhan kay Kriso sa pagbibigay ko sa Kanya ng 100% ng aking buhay.

Ang aking panalan ____________________________________________


Tingnan kung tama ang iyong sagot 5. M,T,T 8. M,T,M,T,M

Sunod: Aralin 11 - Kalusugan at Kaligayahan


Isinalin sa Pilipino ni Jovenmarlo A. Imperio

Wednesday, March 3, 2010

Aralin 11 - Kalusugan at Kaligayahan

Aralin11

Kalusugan at Kaligayahan

Pano ako magiging malusog at maligaya?? Narito ang walong hakbang gamit ang acronym na NEWSTART.

Nutrition

1. N = Nutrition. Sa paglalang ay binigyan ng Diyos si Adan at si Eva ng pinakamahusay na pagkain - pagkaing vegetarian.
Nang magkaroon ng baha, noong ang lahat ng mga gulay ay naouksa, ay ipinahintulot ng Diyos ang pagkain ng karne.Ganon pa man, ang mga hayop ay nailagay na sa dalawang kategorya.
Gnesis 7:1, 2. "Kumuha ka ng tigpipito sa bawat malinis na hayop, lalake at babae, at dalawa sa mga hayop na hindi malinis, lalake at babae.
Paano natin malalaman ang pagkakaiba ng hayop na malinis at hayop na marumi?
Levitico 11:3, 7, 9, 10. Tama (T) o Mali (M)?
__ Ang mga hayop sa kati ay kinakailangang biyak ang paa at ngumunguya.
__ Ang mga baka, tupa at kalabaw ay malinis
__ Ang aboy ay maaaring malasa, subalit yon ay hindi malinis
__ Ang ma isda ay kinakailangang may palikpik at kaliskis
__Ang talangka, alamang, at hipon ay marumi
__ Ang mga tilapia at dalagang bukid ay malilinis

2. Ano naman yong pangitain: "Tumindig ka Pedro, magkatay ka at kumain:?"
Gawa 10:13-17, 28. Tama (T) o Mali (M)?
__ Ang tinig ay nagsabi, "Ang nilinis ng Diyos ay huwag mong ituring na marumi."
__ Para sa pagbibigay diin, ang mga salitang iyon ay inulit sa kanya ng tinig!
__ Ang tinutukoy ng Diyos na kanyang nililinis ay hindi mga hayop, kundi mga tao.
__ Walang sinomang tao -- Judio man o Hentil, itim o puti -- ang "marumi at karumaldumal"

3. Ang mga sayantipico ay nagmungkahi ng pyramid ng Gabay sa Pagkain. Pansinin ang sumusunod:
- Ang pinakamalaking bahagi ay ang mga carbohydrates: mga butil, tinapay, kanin.
- Ang pangalawang pinakamalaking grupo ay ang mga gulay at prutas- Ang pangatlong malaking grupo ay ang mga protina: itlog, isda, beans
Ang pinakamaliit na grupo at ang mga taba, mantika, matamis

Tatlo pang hakbang

4. E = Exercise. 30 minuto araw-araw ang iniriricomenda. 30 minuto kada dalawang araw ang minimum. Anong exercise ang pinakamainam?
Aerobic exercise tulad ng pagtakbo, pagbibisekleta at paglangoy ang pinakamahusay sapagkat pinabubuti ng mga ito ang pagkilos ng puso at ang kalagayan ng mga daluyan ng dugo. Paglalakad ang pinaka madali, pinaka ligtas at pinakamabuti.

5. W = Water. 70% ng aking katawan ay tubig! Tama (T) o Mali (M)?
__ Kinakailangang uminom ako ng 6 hanggang 8 basong tubig araw-araw.
__ Ang pagka-uhaw ang magandang palandaan na kailangan kong uminom ng tubig
__ Ang mga soda at soft drinks ay mabuting pampalit sa tubig

6. S = Sunshine. Paano ito nakaaapekto sa kalusugan?
Pinapatay nito ang mag germs. pinapadali ang paggaling, pinararami ang mga endorphins na sanhi ng masayang pakiramdam, tumutulong upang ang balat ay makagawa ng Vitamin D, pinalulusog ang balat kung hindi labis, ngunit kung labis naman ay sanhi ng cancer sa balat.

Tagumpay!

7. T = Temperance. Ano ang kahulugan nito.
1 Corinto 9:25. "Ang bawat nakikipaglaban sa laro ay nagpipigil sa sarili sa lahat ng mga bagay."
Ang tunay na pagpipigil ay nangangahulugan ng paggamit ng katamtaman sa mga bagay na nakakatulong, at pag-iwas sa mga bagay na nakakapinsala. Tama (T) o Mali (M)?
__ Ang alak ay nakakasira sa atay, nakakasira din sa puso at dahilan ng paghina ng pag-iisip.
__ Ang sigarilyo ay sanhi ng sakit sa baga, emphysema, at cancer.
__ Ang mga nakakapinsalang mga droga ay sanhi ng halusinasyon at sumisira sa pag-iisip at sa katawan.

8. Ano ang maaari kong gawin upang mapanagumpayan ang hindi nakalulusog na gawain at magkaroon ng NEWSTART?
- Alamin at solusyunan ang ugat ng suliranin. Ang pagiging addict ay maaaring simtomas lamang ng suliranin.
- Magkaroon ng matibay na kapasyahan: Nagpasya akong itigil na iyon ngayon!
- Umiwas sa mga lugar at mga tao na nanunukso sa akin
- Maglakad, huminga ng malalim. Ang pageehersisyo ay nakakatulong.
- Uminom ng maraming tubig upang malinis ang sistema.

9. Subalit dahilan sa pagiging addict ang gawa ng demonio, kailangan natin ang tulong ng Diyos upang iyon ay mapanagumpayan.
- Ask. Manalangin at humiling ng lakas tuwing umaga at sa bawat sandali ng tukso.
- Believe. Tiyaking dinidinig ng Diyos ang aking dalangin.
- Claim. Pasalamatan ang Diyos sa pagtatagumpay. At kumilos tulad ng nagtagumpay.
Ang mabuting balita: Maaari mong maranasan ang tagumpay na yan ngayon!

kalusugan ng pag-iisip

10. A = Air. Ito ay napakahalaga sa buhay!
Genesis 2:7. "At nilalang ng Panginoong Diyos ang tao... at hiningahan ang mga butas ng kanyang ilong ng hininga ng buhay."
- bawat 10 hanggang 15 segundo ang dugo sa aking katawan ay nakakakumpleto ng pag-ikot.
- ang osygen ay napapadaloy sa 60,000 milia ng daluyan ng dugo!
- Ang oxygen na ito na naghahatid ng buhay ay inihahatid sa 300 trillion na selyula ng katawan!
- Kaya't kailangan ko ang regular na paglanghap ng sariwang hangin na kaloob ng Diyos.

11. R = Rest. Pahinga. Kailangan natin ito araw-araw.
Mark 6:31. "Pumunta kayo ng bukod sa isang dakong ilang at magpahinga kayo ng sandali."
Sapat na oras ng pagtulog anim hanggang walong oras araw-araw - pinapahintulutan nito ang katawan na mapalakas muli ang kanyang sarili.
Kailangan din natin ng pahinga sa loob ng isang linggo.
Marcos 2:27. "Ang Sabbath ay ginawa para sa tao."
Ang Sabbath ng Diyos tuwing Sabado ay nagkakaloob ng kapahingahang pang pisikal, mental, at espirituwal.

12. T = Trust in God.
Kawikaan 3:5, 6. "Sa Panginoon ay buong puso kang magtiwala... Sa lahat ng iyong mga lakad siya'y iyong kilalanin, at itutuwid niya ang iyong mga landasin."
Mga mga pinagaabalahan sa buhay ay maaaring maging sanhi ng pagkabaliw. Subalit wika ng Diyos: Magtiwala ka sa akin. Ilagak mo sa akin ang lahat ng iyong kabalisahan. Ako'y nagmamalasakit sa iyo. (1 Pedro 5:7)
Ang pagtitiwala sa Diyos ay nakakatulong sa kalusugan ng pag-iisip at sa kaligayahan.
Kawikaan 17:22. "Isang mabuting gamot ang masayang puso."
Isaias 26:3. "Iyong iingatan siya sa ganap na kapayapaan... sapagkat siya'y nagtitiwala sa iyo."

Pagpapagaling

13. Pag minsan ang Diyos ay gumagawa ng himala! Palagi ba siyang nagpapaaling kapag tayo ay dumalangin? 2 Cornto 12:7-9. Tama (T) o Mali (M)?
__ Si Apostol Pablo ay nagkaroon ng karamdaman, "isang tinik sa laman."
__ Siya'y nanalangin ng apat na beses upang yon ay pagalingin.
__ Sa halip na siya ay pagalingin ay binigyan siya ng Diyos ng kakayanan upang makayanan niya ang sakit.

14. Kayat ang Diyos ay nagkakaloob ng pagpapagaling sa tatlong magkakaibang mga paraan.
- Minsan ay gumagawa siya sa pamamagitan ng manggagamot. (Lucas 5:31)
- Pag minsan ay gumagawa siya ng himala! (Santiago 5:14-16)
- Subalit sa lahat ng panahon ay ginagamit Niya ang NEWSTART


Tatlong Dahilan

15. Kaya bakit ko kinakailangang sundin ang mga batas ng Diyos tungkol sa kalusugan?
Isaias 58:8. Una sa lahat, "Ang iyong kagalingan ay biglang lilitaw."
1 Corinto 6:20. Ikalawa, "Sapagkat kayo'y binili saisang halaga." At ano ang halaga?
1 Pedro 1:18, 19. Ang "mahalagang dugo ni Kristo."
Kaya't ang aking katawan ay hindi ko sariling pag-aari. Hindi ako malaya upang gawin dito ang gusto kong gawin. Sa kalbaryo ay binili ako ni Kristo, at kinakailangang magbigay lugod ako sa kanya sa pamamagitan ng pangangalaga sa kanyang pagaari.

16. Mayroon pang ikatlong dahilan kung bakit dapat sundin ang NEWSTART ng Diyos
1 Corinto 6:19. "O hindi ba ninyo nalalaman na ang inyong katawan ay templo ng Espiritu Santo na nsa inyo, na tinanggap ninyo mula sa Diyos at kayo ay hindi sa inyong sarili?"
Ang aking katawan ay templo ng Diyos! Tunay na napataas na pribilihio!


Ang aking kapasyahan

__ Opo. Tinatanggap ko ang NEWSTART na panukala ng Diyos sa aking buhay.
__ Kaagad kong sisimulan ang pag-akyat sa walong baitang tungo sa kalusugan at kagalingan
__ Sa pamamagitan ng biyaya ng Diyos, mararanasan ko ang ABC ng pagtatagmpay ngayon mismo
__ Sapagkat si Kristo ay namatay para sa akin gusto kong manirahan sa akin ang Kanyang Banal na Espiritu.


Ang aking pangalan __________________________________________


Tingnan kung tama ang iyong mga sagot: 1. T,M,T,T,T,T 2. T,M,T,T 5. T,M,M/ 7. T,T,T 12. T,M,T.


Sunod: Aralin 12 - Responsableng mga Magulang

Isinalin sa Pilipino ni Jovenmarlo A. Impeiro

Aralin 12 - Responsableng Mga Magulang

Aralin 12 - Responsableng Mga Magulang

Dalawang ina ang humarap kay Haring Solomon. Noong gabi ay nahigaan ng pabayang ina ang kanyang anak. Noong mapansin niya na ang kanyang anak ay namatay, pinagpalit niya ang mga sanggol! Ngayon ay pareho silang nagaangkin sa buhay na sanggol.

1. Marami ngayong mga pabayang mga magulang ang pinapatay rin ang kanilang mga anak. Tama (T) o Mali (M)?
Pinapatay nila ang mga anak nila sa pamamagitan ng:
- pagpapalaglag
- paggamit ng droga
- sexual na pag-abuso sa bata
- paninigarilyo at pag-inom ng alak sa panahon ng pagbubuntis
- pagkakaroon ng AIDS sa panahon ng paglilihi
- pangaabusong pisikal o emosyunal

Pangangalaga

2. Sa isang panig naman, ang mapangalagang mga magulang ay nagpapalaki sa kanilang mga anak. Narito ang limang mga paraan upang iyon ay magampanan. Una, pahalagahan ang pagiging kakaiba ng iyong anak.
Ang iyong anak ay kakaiba - sa mukha, sa tinig, mata, finger print at DNA. Kahit na meron silang pisikal o mental na mga limitasyon, sila ay special!
Mga Awit 139:14. Ang bawat sanggol ay "kakilakilabot at kamanghamangha" ang pagkagawa.

3. Ang pangalawang hakbang ay: Patibayin ang pagpapahalaga ng inyong anak sa kanyang sarili. Tama (T) o Mali (M)?
Mapatitibay ko ang pagpapahalaga sa sarili ng aking anak sa pagsasabi ng:
__ "Bobo ka" Naka A ang kapatid mo, ikaw B lang.
__ "Congrats!" Naka B ka na. Dati C lang.

Ang mabilis na daan patungo sa pagpapahalaga sa sarili ay ang pagaakay sa krus. Kapag nabatid ng mga bata kung gaano sila kamahal ng Diyos, natututunan din nilang mahalin ang kanilang sarili. "Sapagkat ikaw ay mahalaga sa aking paningin, at kagalang-galang, at minamahal kita."

4. Pangatlong hakbang: Gumugol ng mahusay na mga panahon kasama ng iyong anak.
Ecclesiastes 3:1, 2. "Sa bawat bagay ay may kapanahunan."
­- may panahon upang magtrabaho at panahon para maglaro. Kaya maglaan ng pahon para sa iyong anak.
- tanong: Spell "love", ano ang sagot ng mga bata?
- sagot: "T-I-M-E" Nakikita nila ang love kung ikaw ay may time para sa kanila.

5. Pang-apat, Magbigay ng Pagmamahal na Walang Condisyon
Jeremias 31:3. Tama (T) o Mali (M)?
__ Ang pinakamalaking pangangailangan ng isang bata ay ang katiyakan ng pagmamahal.
__ Kinakailangang sabihan ko ang aking anak, "Mahal kita" gaya nang sinasabi sa akin ng Diyos.
__ Ang pag-ibig na walang kondisyon ay nangangahulugan ng pagmamahal maging mabuti man o masama ang ugali.

6. Huli sa lahat, Palaguin ang iyong anak sa espiritwalidad
Deuteronomio 6:7. "Iyong ituturo nang buong sikap sa iyong mga anak".
Tuwing umaga at tuwing gabi ay magkaroon ng Sambahayang Pagsamba sa pamamagitan ng pagtipon sa inyong mga anak para sa kuwento mula sa Biblia o pag-aaral, panalangin at pagpuri.

Pananagutan

7. Kung paanong ang mga ina ay humarap sa hukuman ng Hari ng Israel, ganon din naman ang bawat tao ay tatayo sa harap ng hukuman ng Hari ng langit!
2 Corinto 5:10. "Sapagkat tayong lahat ay kailangang humarap sa hukuman ni Cristo."
Kaya't ang bawat isa--may-asawa o wala, magulang o anak--ay mananagot sa Diyos.

8. May dalawang yugto ang paghatol ng Diyos: Pre-Advent o Investigative, at ang Advent o Executive. Samantalang ang petsa ng Advent ay hindi alam, ang petsa ng Pre-Advent Judgement ay alam.
Daniel 8:14. "Hanggang sa dalawang libo at tatlong daang hapon at umaga; pagkatapos ay malilinis ang santuwaryo."
Sa propesiya sa Biblia, ang isang araw ay kumakatawan sa isang taon. (Ezekiel 4:6). Kayat ang propesiya tungkol sa 2300 mga araw ay nagsimula noong 457 BC (Daniel 9:25 at Ezra 7), at natapos noong 1844. Ang santuaryo na nilinis noong 1844 ay hindi ang santuwaryo sa lupa, sapagkat iyon ay matagal nang nasira. Iyon ay ang santuwaryo sa langit. (Hebreo 8:1, 2)

Ang Santuwaryo

9. Upang maunawaan ang paglilinis ng santuwaryo sa langit ay kinakailangan nating tumingin sa santuwaryo ng mga Israelita. una sa lahat ay mayroon doong pang araw-araw na ceremoniya.
Sa Levitico 4:32-35 ay sinasabi sa atin:
- Ang maysala ay nagdadala ng cordero, inihahayag ang kanyang kasalanan, at pinapatay ang hayop.
- Dinadala ng saserdote ang kaunting dugo ng hayop sa banal na dako
- Sa paraan ng isang simbolo, ang kasalanan ay inililipat mula sa may sala tungo sa cordero at sa santuwaryo.

10. Minsan sa isang taon, sa araw ng Pagtubos, ang punong saserdote ay pumapasok sa Kabanal-banalang dako at nagsasagawa ng seremonya ng paglilinis ng santuwaryo. Ang araw ng patubos na ito ay;
- isang solemneng araw. Araw ng pananalangin at pag-aayuno (Levitico 23:27)
- isang araw ng paglilinis. Ang nagsisising makasalanan ay pinapatawad magpakailanman (Levitico 16:29-31)
- isang araw ng paghatol. Ang makasalanan na hindi nagsisisi ay inihihiwalay magpakailanpaman (Levitico 23:29)
Kayat ang paglilinis ng santuwaryo ay nanganahulugan ng pre-Advent na paghatol na isinasagawa ng Diyos sa langit simula noong 1844.

Tagpo sa Hukuman

11. Ngayon, samantalang ang mga tao ay nakahanay sa lupa, ang paghatol ay nagaganap sa langit!
Daniel 7:9, 10. Sa pangitain, ay inilarawan ni Daniel ang tanawin. Tama (T) o Mali (M)?
__ Ang Diyos Ama, Ang Matanda sa mga Araw, ay nakaupo bilang hukom
__ Ang mga anghel ay tumatayo bilang mga saksi
__ Hindi tayo humaharap ng personal. Mga talaan sa langit ang nagsisilbing ebedensiya.
Sa Santiago 2:10, 11 ay sinasabi na ang batas ng hukuman ay ang Sampung Utos ng Diyos.

12. Sino ang tagapagusig? Sino ang tagapagparatang?
Apocalipsis 12:9, 10. Si Satanas ang tinatawag na "tagapag-paratang sa mga kapatid."
Siya ay hindi magandang amo! Tinutukso niya ako, tapos inaakusa ako! At kung ako ay maglingkod sa kanya, ang hatol sa akin ay: "Nagkasala!"

13. Gayon pa man, kung ako ay maglilingkod kay Jesus, ano ang nangyayari?
1 Juan 2:1 at Timoteo 2:5. Tama (T) o Mali (M)?
__ Siya ay nagiging Tagapamagitan ko, Tagapagtanggol, o Attorney.
__ Binabayaran ko siya para sa kanyang mga serbisyo sa pamamagitan ng aking ikapu at mga handog.
__ Ang hatol ay "Walang Sala!" "Ang kaloob ng Diyos na walang bayad ay buhay na walang-hanggan."

Mga Gantimpala

14. Ngayon ay buoin natin ang kuwento. Paano ni Solomon nilutas ang kaso?
sa 1 Hari 3:23-27 ay sinasabi sa atin:
- Nagmungkahi siya na hatiin ang buhay na sanggol at ibigay sa dalawa ang tig-kalahati.
- Ang magulang na pabaya ay nagsabi: "Sige hatiin ang bata. Hindi yan magiging akin ni sa kanya man."
- Ang maingat na ina ay nagsabi, "O panginoon ko, ibigay mo sa kanya ang buhay na bata"
- Yon ang araw ng mga gantimpala! Dalawang ina! Dalawang gantimpala!
- Ang pabayang ina, ay malungkot na dinala ang kanyang anak sa sementeryo.
- Ang maingat na ina ay masayang dinala ang kanyang buhay na anak pauwi sa tahanan.

15. Di magtatagal ay darating si Jesus upang maghatid ng mga gantimpala. Ano ang kanyang sasabaihin?
Mateo 25:41. Sa mga kampon ni Satanas: "Magsilayo kayo sa akin."
Mateo 25:34. Sa Sambahayan ng Diyos: "Halikayo, mga pinagpala ng aking Ama, manahin ninyo ang kahariang inihanda para sa inyo mula sa pagkatatag ng sanlibutan."
Kung ibig kong makabilang sa tatanggap ng gantimpala ni Jesus kinakailangan ay tanggapin ko ang bautismo ni Jesus ngayon.

Ang aking kapasyahan

__ Pahahalagahan ko at pangangalagaan ang aking anak bilang aking banal na responsibilidad.
__ Inilalagak ko sa kamay ni Jesus na aking Tagapagtanggol ang aking kalagayan.
__ Ako ay nagpasyang itagubilin ang aking buhay kay Jesus sa pamagitan ng bautismo ngayon.


Ang aking pangalan __________________________________________________


Tingnan kung tama ang iyong mga sagot 1. T,T,T,T,T,T 3. M,T. 5. T,TT 11. T,T,T 13. T,M,T.


Sunod: Aralin 13
Pag-unawa sa Babae


Isinalin sa Pilipino ni Jovenmarlo A. Imperio